बॉलीवूड अभिनेत्री सोनाक्षी सिन्हा काही दिवसांपासून सतत चर्चेत राहिली आहे. रामायण वादानंतर सोनाक्षी सिन्हा पुन्हा एकदा कौटुंबिकतेबाबत ट्रोलच्या निशाण्यावर आली आहे. मात्र, सोनाक्षी सिन्हाने ट्रोलला उत्तर देण्यासाठी आपले ट्विटर अकाउंट डिलीट केले असताना अभिनेत्रीने अलीकडेच एक व्हिडिओ शेअर केला आहे, ज्यामध्ये अभिनेत्रीने लिहिले आहे की, या ठिकाणी फक्‍त एकच विजेता आहे आणि तो मी आहे.

सोनाक्षी सिन्हाची ही पोस्ट सर्वांचे लक्ष वेधून घेत आहे, तसेच लोक त्यावर अनेक कमेंट करत आहेत. सोनाक्षीने व्हिडिओ कॅप्शनमध्ये लिहिले की, “मी ट्विटर आणि नकारात्मकतेपासून स्वत:ला दूर केले आहे. काही लोक असा उत्सव साजरा करत आहे जणू त्यांना विजय मिळवला आहे. तुम्हाला तसे वाटत असले तर वाटू द्या. कोणालाही फरक पडत नाही. पण मी आनंदी आहे.

मी माझ्या आयुष्यात आता अनादर आणि अपमान करण्याचा स्रोत बंद करत आहे. तुम्ही माझ्या कुटुंबीयांबद्दल आणि मित्रांबद्दल बोलण्याची शक्‍तीच हेरावून घेतली आहे. त्यामुळे मी तुम्हाला दिलेले अधिकार काढून घेत आहे. तर आता इथे फक्‍त एकच विजेता आहे, आणि ती मी आहे.

सोनाक्षी असेही म्हणाली, या निर्णयामुळे माझ्यावर प्रेम करणारे माझ्यापासून दूर जाणार आहेत. कृपया, हे जाणून घ्या की तुमच्या प्रेम व पाठिंबानेच पुढे जाऊ शकणार आहे. मी तुम्हाला विनंती करते की, आपण इतरांना प्रेम द्या आणि जिथे जाल तिथे आनंदी वातावरण निर्माण कराल. कारण त्याला प्रेम हेच उत्तर आहे.