Maharashtra Politics : पालघरमधील रिलीफ हॉस्पिटलमध्ये दहीहंडीच्या दिवशी झालेल्या मारहाण आणि तोडफोड प्रकरणात मोठी घडामोड समोर आली आहे. शिवसेना आमदार राजेंद्र गावित यांचा मुलगा रोहित गावित याला पालघर पोलिसांनी अटक केल्याची माहिती समोर आली आहे. मिरा रोड येथील जीसीसी क्लबमधून पोलिसांनी रोहित गावित याला ताब्यात घेतल्याचे सांगण्यात येत आहे. (Maharashtra Politics)

रुग्णालयातील कर्मचारी आणि डॉक्टरांना मारहाण केल्याच्या या प्रकरणात पालघर पोलीस ठाण्यात गुन्हा दाखल करण्यात आला होता. गुन्हा दाखल झाल्यानंतर रोहित गावित यांच्यासह अन्य आरोपींचा पोलीस शोध घेत होते. अखेर पोलिसांनी रोहित गावित याला ताब्यात घेतल्याची माहिती आहे. (Maharashtra Politics)

रुग्णालयातील मारहाणीनंतर गुन्हा दाखल

दहीहंडीच्या दिवशी पालघर येथील रिलीफ हॉस्पिटलमध्ये काही शिवसेना कार्यकर्त्यांकडून रुग्णालयातील कर्मचारी आणि डॉक्टरांना मारहाण केल्याचा आरोप करण्यात आला होता. या घटनेनंतर प्रकरण चांगलेच चर्चेत आले. (Maharashtra Politics)

या प्रकरणी पालघर पोलीस ठाण्यात जिल्हाप्रमुख कुंदन संखे, शहरप्रमुख राहुल घरत, रोहित गावित यांच्यासह अनेक जणांविरोधात गुन्हा दाखल करण्यात आला होता. त्यानंतर पोलिसांकडून आरोपींचा शोध सुरू होता. (Maharashtra Politics)

शिवसेनेकडूनही निलंबनाची कारवाई

रुग्णालयातील मारहाण प्रकरणाची गंभीर दखल घेत शिवसेनेकडून संबंधित कार्यकर्ते आणि पदाधिकाऱ्यांवर पक्षांतर्गत कारवाई करण्यात आली होती. कुंदन संखे, राहुल घरत आणि रोहित गावित यांच्यासह काही कार्यकर्त्यांना पक्षातून निलंबित करण्यात आले होते. रुग्णालयातील कर्मचाऱ्याला मारहाण आणि तोडफोडीच्या आरोपांनंतर ही कारवाई करण्यात आली. (Maharashtra Politics)

उच्च न्यायालयानेही घेतली गंभीर दखल

दरम्यान, या प्रकरणाची मुंबई उच्च न्यायालयानेही गंभीर दखल घेतली होती. आरोपी फरार असल्याच्या मुद्द्यावरून न्यायालयाने पालघर पोलिसांच्या कार्यपद्धतीवर नाराजी व्यक्त केली होती. (Maharashtra Politics)

एफआयआर दाखल झाल्यानंतर आरोपी फरार कसे होतात, असा सवाल न्यायालयाने पोलिसांना केला होता. तसेच आरोपींना पकडण्यात पोलिसांना अपयश का आले, याबाबतही न्यायालयाने प्रश्न उपस्थित केले होते. पालघर जिल्हा पोलीस अधीक्षकांना न्यायालयात हजर राहण्याचे निर्देशही देण्यात आले होते. (Maharashtra Politics)

आता रोहित गावित यांच्या अटकेने तपासाला वेग

या पार्श्वभूमीवर रोहित गावित यांना मिरा रोड येथून ताब्यात घेतल्याची माहिती समोर आल्याने या प्रकरणाच्या तपासाला आता वेग येण्याची शक्यता आहे. पोलिसांकडून आरोपींची चौकशी केली जाणार असून, रुग्णालयात नेमकी कोणत्या परिस्थितीत मारहाण आणि तोडफोड झाली, या घटनेत आणखी कोणाचा सहभाग होता आणि फरार आरोपी कुठे आहेत, याचा तपास सुरू आहे. दरम्यान, या प्रकरणातील पुढील कायदेशीर कारवाईकडे आता सर्वांचे लक्ष लागले आहे. (Maharashtra Politics)

Maharashtra Politics : राज्यात मोठा राजकीय भूकंप..! राष्ट्रवादीच्या सरपंचासह ५ सदस्य अपात्र; अतिरिक्त विभागीय आयुक्तांचे आदेश

Maharashtra Politics : मोठी बातमी…! बारामतीत पुन्हा ‘पवार विरुद्ध पवार’; ‘या’ निवडणुकीत सुनेत्रा पवारांसमोर युगेंद्र पवारांचे आव्हान