Lokesh Kangaraj : साऊथ सिनेमा इंडस्ट्रीमधून एक मोठी बातमी समोर आली आहे. साऊथ इंडस्ट्रीतील दोन दिग्गज कलाकार तब्बल ४६ वर्षांनंतर स्क्रिन शेअर करणार आहेत, याबाबत कुली सिनेमाच्या दिग्दर्शकाने घोषणा केली आहे. कुलीचा दिग्दर्शक लोकेश कणगराज याने हा दावा केला आहे, की त्याच्या आगामी सिनेमात साऊथ सिनेमातील दोन दिग्गज कलाकार असणार आहेत. साऊथ इंडस्ट्रीतील सुपरस्टार रजनीकांत आणि ज्येष्ठ अभिनेते कमल हासन या दोन्ही कलाकारांच नाव आदराने घेतलं जातं. आता हे कलाकार या सिनेमाच्या निमित्ताने एकत्र पाहायला मिळणार आहेत. या दिग्गज कलाकारांनी १९७९ मध्ये आलेल्या ‘निनैथले इनिकुम’ या सिनेमात एकत्र स्क्रिन शेअर होती. त्यानंतर ते दोघे कधीही कोणत्या सिनेमात एकत्र दिसले नाहीत. आता या दोघांना एकत्र आणण्याचं काम लोकेश कणकगराज करणार आहे. चाहत्यांचा आनंद गगणात मावेनासा लोकशने त्याच्या आगामी गँगस्टर नावाच्या सिनेमात रजनीकांत आणि कमल हासन दिसणार आहेत. या दोघांना एकत्र आणण्याचे प्रयत्न सुरू असल्याचं लोकशने सांगितलं आहे. गँगस्टर हा सिनेमा क्राइम थ्रीलर सिनेमा असणार आहे. याबाबत स्वतः लोकेशने खुलासा केला आहे. या सिनेमाची निर्मिती कमल हासन करणार आहेत. यामुळे इतक्या वर्षानंतर हे दोन कलाकार एकत्र पाहायला मिळणार असल्याने चाहत्यांचा आनंद गगणात मावेनासा झाला आहे. ..तरच हा सिनेमा होणार! एका मुलाखतीत याबाबत लोकेश कणगराज यांनी सांगितलं आहे की, “महिनाभरापासून यांना एकत्र आणण्याची योजना आखली जात होती. परंतु, परिस्थिती बिघडल्यामुळे हा प्रोजेक्ट थांबवण्यात आला. त्यामुळे आता लोकेशचा असा विश्वास आहे की जर दोन्ही दिग्गजांनी स्वतः ते पुढे नेण्याचा निर्णय घेतला तरच हा सिनेमा होणार असल्याचं स्पष्ट केलं आहे. हे दोन कलाकार साद देणार का? तो स्पष्टपणे म्हणाला, ‘जर रजनीकांत आणि कमल हासन यांनी मला बोलावलं तर मी सर्व काही सोडून हा सिनेमा करणार असल्याचं त्यानं स्पष्ट केलं आहे. यामुळे आता लोकेशच्या या सादेला हे दोन कलाकार साद देणार का? हे पाहणं महत्वाचं असणार आहे. दोन्ही कलाकार एकत्र आले तर साऊथ इंडस्ट्रीत एक नवा इतिहास रचला जाणार असल्याचं बोललं जात आहे. हेही वाचा : “कोणताही आरोप नाही, खटला नाही, दोषी ठरवले जात नाही, पण…” ; संविधान दुरुस्ती विधेयकावरून पी चिदंबरम संतापले
