Soham & Pooja Reception : महाराष्ट्राचे लाडके भाऊजी आदेश बांदेकर यांचा मुलगा सोहम बांदेकर आणि अभिनेत्री पूजा बिरारी यांच्या लग्नानंतर मुंबईत भव्य रिसेप्शनचा सोहळा आयोजित करण्यात आला. लोणावळ्यात 2 डिसेंबर रोजी थाटामाटात लग्न पार पडल्यानंतर मंगळवारी संध्याकाळी नवदाम्पत्याच्या रिसेप्शनला प्रेक्षणीय गर्दी पाहायला मिळाली. ठाकरे कुटुंबाची खास उपस्थिती रिसेप्शनला अनेक मान्यवर उपस्थित होते. उद्धव ठाकरे, रश्मी ठाकरे, आदित्य ठाकरे हे तिघेही सोहम आणि पूजाला आशीर्वाद देण्यासाठी खास आले होते. सोहम आणि पूजाने रश्मी आणि उद्धव ठाकरे यांच्या पाया पडून आशीर्वाद घेतले. संजय राऊत यांनीही उपस्थिती लावली होती. या सर्वांचे व्हिडीओ सध्या सोशल मीडियावर जोरदार व्हायरल होत आहेत. मराठी कलाकारांची मांदियाळी रिसेप्शन सोहळ्यात मराठी चित्रपटसृष्टीचे अनेक लोकप्रिय कलाकार उपस्थित होते. त्यात अशोक–निवेदिता सराफ, रोहिणी हट्टंगडी, केदार शिंदे, नीना कुलकर्णी, श्रेयस तळपदे, क्रांती रेडकर–समीर वानखेडे, अजिंक्य देव, कविता मेढेकर, तुषार दळवी, अशोक शिंदे, निर्मिती सावंत, सोनाली खरे, सोनाली कुलकर्णी, आशय कुलकर्णी, रवी जाधव आदी असंख्य कलाकारांचा समावेश होता. नवदाम्पत्याचा लुक चर्चेत पूजा बिरारीने रिसेप्शनला गोल्डन रंगाचा सुंदर पारंपरिक लेहेंगा परिधान केला होता. सोहम नेव्ही ब्लू सूटमध्ये देखणे दिसत होते. दोघांच्या लग्नाप्रमाणेच रिसेप्शनमध्येही ग्लॅमर आणि मराठी सेलिब्रिटींची लगबग पाहायला मिळाली. वर्कफ्रंट सोहम बांदेकर सध्या ‘ठरलं तर मग’ आणि ‘घरोघरी मातीच्या चुली’ या मालिका निर्माता म्हणून सांभाळत आहे. पूजा बिरारी ‘येड लागलं प्रेमाचं’ या मालिकेत मुख्य भूमिका साकारत असून, याआधी ती ‘स्वाभिमान’ मालिकेत प्रमुख भूमिकेत दिसली होती.
