Sobhita Dhulipala | दक्षिणात्य अभिनेता नागा चैतन्य आणि शोभिता धुलीपाला यांच्या लग्नाच्या चर्चा मागील काही दिवसांपासून सुरू होत्या. अखेर हे दोघे 4 डिसेंबर रोजी विवाह बंधनात अडकले आहेत. कुटुंबिय आणि मित्रमैत्रिणींच्या उपस्थितीत पारंपरिक थाटात दोघांनी लग्नगाठ बांधली.

त्यांच्या लग्नाचे फोटो सोशल मीडियावर तुफान व्हायरल झाले आहेत. नागा चैतन्यचे आजोबा अक्किनेनी नागेश्वर राव यांनी स्थापन केलेल्या हैदराबादमधील ‘अन्नपूर्णा’ स्टुडिओमध्ये त्यांचा विवाह सोहळा झाला. सोशल मीडियावर त्यांच्या लग्नाची चांगलीच चर्चा झाली आहे. फोटो आणि व्हिडिओ तुफान व्हायरल झाले होते.

लग्नसोहळ्यात नागा आणि शोभिताने पारंपरिक साज परिधान केला होता. शोभिता साउथ इंडियन साडीत खूप सुंदर दिसत होती. तिने गोल्डन रंगाची कांजीवरम साडी परिधान केली होती. त्यासोबत साजेश्या दागिन्यांचा श्रृंगार केला होता. तर नागा चैतन्यने पांढरा कुर्ता परिधान केला होता. दोघांच्या लूकला चाहत्यांनी पसंती दिली असून या जोडप्याने दक्षिण भारतीय रितीरिवाजानुसार लग्न केले आहे.

दरम्यान, आता लग्नानंतर सुपरस्टार नागार्जुनच्या घरातील मोठ्या सूनचा नवा लूक समोर आला आहे. ज्यामध्ये ती बंजारा मुलगी झाली आहे. तिच्या लग्नाच्या सोहळ्यासाठी, शोभिताने सब्यसाची मुखर्जीच्या हाताने विणलेला बागरू मल्टी-पॅनल ‘छोटू लेहेंगा’ परिधान केला होता. जेथे स्कर्टला प्राचीन जरदोजी एम्ब्रॉयडरीसह हँड पँट मिरर बॉर्डरसह हेवी लुक देण्यात आला होता.

ज्यामध्ये लाल-काळा पोल्का डॉट्स आणि गोल्डन स्टार्ससह पिवळ्या रंगाचे कॉम्बिनेशन अप्रतिम दिसत होते. तिने तिच्या स्कर्टला क्लासिक कंठी ब्लाउजसह स्टाईल केले. हा लाल रंगाचा फुल स्लीव्हजचा चुरीदार ब्लाउज अगदी साधा आहे. ज्याला बोट नेकलाइन आहे. शोभिताने ते लाल सुती दुपट्ट्यासोबत जोडले. ज्याच्या बॉर्डरला गोल्डन स्टार लेस आणि जरदोजी एम्ब्रॉयडरीसह भारी लुक देण्यात आला होता.

शोभिताने सब्यसाची ज्वेलरीसह तिच्या लुकला अंतिम टच दिला. तिने सब्यसाची हेरिटेज ज्वेलरीमधून 22 कॅरेट सोन्याचे बनवलेले ईस्ट ऑफ बंगाल चांद कानातले घातले होते. त्याच बरोबर तिची जड अँकलेट्स आणखीनच अप्रतिम दिसत होती. आणि सुंदर बांगड्यांनी स्वतःचा लूक पूर्ण केला. शोभिताने तिच्या केसांची वेणी केली आणि त्यावर लाल आणि काळ्या रंगाचा परांडा घातला. या बंजारा लूकमध्ये अभिनेत्री कमालीची सुंदर दिसत आहे.