नाशिक – निवडणुकीत माझा पराभव करण्याबद्दल बोललं जातं. पण, माझा पराभव करणे सोडाच, तुमच्या कित्येकांचा पराभव होईल याचा अगोदर हिशेब करा. अज्ञानात राहू नका. आम्हालाही काहीतरी कळतं. एवढे वर्ष महाराष्ट्रात राजकारण करत आहे. तुम्ही म्हणाल तसं होणार का? असे म्हणत मंत्री छगन भुजबळ (Chhagan Bhujbal) यांनी मनोज जरांगे-पाटील (Manoj Jarange Patil) यांच्यावर निशाणा साधला.

महाराष्ट्रात 54 टक्के ओबीसी, 20 टक्के आदिवाशी आणि दलित, ब्राम्हण समाज 3 टक्के आहे. हे सगळे 77 टक्के झाले. मग राहिले किती? अशी वाटणी झाली, तर निवडणुकीत काय होईल. त्यामुळे सगळ्यांना बरोबर घेऊन चला, असे भुजबळांनी म्हटले.(Maratha Reservation)

उपमुख्यमंत्री देवेंद्र फडणवीसांना सांगायचे आहे की, दोन महिने झाले मला धमकीचे फोन येतात. शिव्या दिल्या जातात. तक्रार केल्यानंतर कारवाई होत नाही. काय राज्य आहे? अशी खंत भुजबळांनी व्यक्त केली आहे. (Maratha – Obc)

ठिक-ठिकाणी गावबंदी करण्यात आली आहे. पण, लोकप्रतिनिधींचे मत जाणून घ्या. पटले तर ठिक नाही पटले, तर निवडून देऊ नका. मात्र, दोन-चार जण बॅनर लावतात. पोलिसांनी हे बॅनर तातडीने काढून टाकवेत. अन्यथा कुणीतरी आमच्यासारखं उठून काठीला-काठी भिडल्यावर तुम्ही जागे होणार का? असा सवाल देखील भुजबळांनी यावेळी उपस्थित केला.