FIFA World Cup 2026 Final Referee Slavko Vincic Argentina vs Spain New Jersey : फिफा फुटबॉल विश्वचषक २०२६ च्या अंतिम सामन्याची तारीख जसजशी जवळ येत आहे, तसतसा या महासंग्रामाचा थरार वाढत चालला आहे. अर्जेंटिना आणि स्पेन यांच्यात न्यू जर्सी येथील मेटलाईफ स्टेडियमवर होणाऱ्या या ऐतिहासिक फायनल लढतीसाठी फिफाने मुख्य रेफरीच्या नावाची अधिकृत घोषणा केली आहे. स्लोव्हेनियाचे स्लाव्हको विन्सिच या अंतिम सामन्यात मुख्य रेफरीची भूमिका बजावणार आहेत. विंसिक यांच्या सोबतीला टोमाज क्लॅंचनिक (असिस्टंट रेफरी-१) आणि एंड्राज कोवाचिक (असिस्टंट रेफरी-२) हे काम पाहतील. तर अधम मखादमेह चौथे अधिकारी आणि मोहम्मद अल्कालाफ हे रिझर्व्ह असिस्टंट रेफरी असतील.  (FIFA Final Referee)

नाव जाहीर होताच विंसिक झाले भावुक –  (FIFA Final Referee)

४६ वर्षीय स्लाव्हको विन्सिच यांच्या कारकिर्दीतील हा पहिलाच सर्वात मोठा फुटबॉल विश्वचषक फायनल सामना असणार आहे. अंतिम सामन्यासाठी आपले नाव जाहीर होताच विंसिक भावुक झाले होते. त्यांनी २०२२ च्या कतार विश्वचषकातून आपल्या वर्ल्ड कप कारकिर्दीची सुरुवात केली होती, तिथे त्यांनी २ सामन्यांत रेफरीचे काम पाहिले होते. चालू २०२६ च्या विश्वचषकात त्यांनी आतापर्यंत ३ सामन्यांचे संचालन केले असून, हा अंतिम सामना त्यांच्या विश्वचषक कारकिर्दीतील ६ वा सामना ठरणार आहे.

Introducing your referee for the @FIFAWorldCup 2026 Final….🥁

Congratulations, Slavko Vinčić! 👏 pic.twitter.com/OMLJ3oA31p

— FIFA (@FIFAcom) July 17, 2026

अर्जेंटिनासाठी ठरले होते ‘अशुभ’; पुन्हा येणार आमनेसामने –   (FIFA Final Referee)

🚨 𝗢𝗙𝗙𝗜𝗖𝗜𝗔𝗟: Referees for the FIFA World Cup final.

Slovenian referee Slavko Vincic will be the man in the middle on Sunday. pic.twitter.com/n6W9ZeQJjg

— The Touchline | 𝐓 (@TouchlineX) July 17, 2026

स्लाव्हको विन्सिच यांचे नाव समोर येताच अर्जेंटिनाच्या चाहत्यांची धडधड वाढली आहे. कारण विंसिक यांच्यासोबत अर्जेंटिनाचा अनुभव अत्यंत वाईट राहिला आहे. २०२२ च्या विश्वचषकात जेव्हा सौदी अरबने अर्जेंटिनाला पराभूत करून फुटबॉल जगताला सर्वात मोठा धक्का दिला होता, त्या ऐतिहासिक सामन्यात स्लाव्हको विन्सिच हेच मुख्य रेफरी होते. आता पुन्हा एकदा मेसीच्या अर्जेंटिनासमोर विंसिक यांचेच आव्हान असणार आहे.  (FIFA Final Referee)

हेही वाचा – Rohit Last ODI : रोहित शर्मा आणि बीसीसीआय अधिकाऱ्यांच्या बैठकीत काय घडलं? आतल्या गोष्टी आल्या समोर

चॅम्पियन्स लीगचा मोठा अनुभव; ८० हजार प्रेक्षकांची उपस्थिती –  (FIFA Final Referee)

स्लाव्हको विन्सिच हे २०१० पासून फिफाच्या पॅनेलवर असून त्यांनी २०२४ च्या रियल माद्रिद विरुद्ध बोरुसिया डॉर्टमुंड यांच्यातील ‘चॅम्पियन्स लीग फायनल’चे यशस्वी संचालन केले आहे. २० जुलै रोजी होणाऱ्या या महामुकाबल्यात ८० हजारांहून अधिक प्रेक्षक उपस्थित राहण्याची शक्यता आहे. लिओनेल मेसीच्या नेतृत्वात अर्जेंटिना चौथे जेतेपद मिळवण्यासाठी तर २०१० चा चॅम्पियन स्पेन १६ वर्षांनंतर कप उचलण्यासाठी मैदानात उतरेल.