Siddaramaiah on Chief Minister’s post । कर्नाटकचे मुख्यमंत्री सिद्धरामय्या आणि उपमुख्यमंत्री डीके शिवकुमार, सरकारचे दोन्हीही प्रमुख चेहरे दिल्लीत आहेत. उपमुख्यमंत्री शिवकुमार कर्नाटक भवनातील नव्याने बांधलेल्या सीएम सूटमध्ये राहत आहेत, तर सिद्धरामय्या जुन्या सूटमध्ये राहत आहेत. दोन्ही नेत्यांनी लोकसभेतील विरोधी पक्षनेते राहुल गांधी यांच्याशी स्वतंत्र बैठकीसाठी वेळ मागितला आहे. या सर्वांमध्ये कर्नाटकात नेतृत्व बदलाबाबत चर्चांना उधाण आले आहे. कर्नाटकचे मुख्यमंत्री सिद्धरामय्या यांनी एका इंग्रजी वृत्तवाहिनीशी संवाद साधताना,या सर्व चर्चांना पूर्णविराम दिला आहे. सिद्धरामय्या यांनी स्पष्टपणे सांगितले आहे की,”मी पाच वर्षे मुख्यमंत्री राहीन. पुढील विधानसभा निवडणुकीत मी काँग्रेसचे नेतृत्व करेन. ओबीसी कौन्सिलमध्ये स्थान देऊन दिल्लीला बोलावल्याचे अंदाजही फेटाळून लावले आहेत. याविषयी त्यांनी,”मी कुठेही जाणार नाही, मी कर्नाटकातच राहीन, मी या खुर्चीवर राहीन.” असे स्पष्ट केले आहे. “सध्या खुर्ची रिकामी नाही” Siddaramaiah on Chief Minister’s post । मुख्यमंत्री सिद्धरामय्या यांनी,”सध्या खुर्ची रिकामी नाही” असे स्पष्ट स्वरात सांगितले. तसेच त्यांनी विरोधी पक्ष भारतीय जनता पक्षाच्या (भाजप) भ्रष्टाचाराच्या आरोपांना आणि सरकारच्या ७० टक्के कमिशनच्या आरोपांनाही प्रत्युत्तर दिले. मुख्यमंत्री सिद्धरामय्या यांनी भाजपच्या आरोपाला राजकीय वक्तृत्व म्हटले. कर्नाटकात सत्ताविरोधी लाट नाही असा दावाही त्यांनी यावेळी केला. सिद्धरामय्या यांनी कर्नाटक सरकारमधील त्यांचे उपमुख्यमंत्री डीके शिवकुमार यांचे कौतुक केले आणि ते एक लिजेंड असल्याचे सांगितले. कर्नाटकात मे २०२३ मध्ये काँग्रेस सरकार स्थापन झाले तेव्हापासून प्रत्येकी अडीच वर्षे मुख्यमंत्र्यांची चर्चा होतच आहे. शिवकुमार यांची प्रियांका गांधींसोबत बैठक Siddaramaiah on Chief Minister’s post । मात्र, मुख्यमंत्री सिद्धरामय्या आणि उपमुख्यमंत्री डीके शिवकुमार या दोघांनीही असा कोणताही करार झाला नसल्याचे म्हटले आहे. मुख्यमंत्री सिद्धरामय्या दिल्लीला पोहोचण्याच्या एक दिवस आधी, ८ जुलै रोजी डीके शिवकुमार देखील दिल्लीला पोहोचले. डीके शिवकुमार काँग्रेसच्या सरचिटणीस प्रियांका गांधींना भेटल्याचेही बोलले जात आहे. सोशल मीडियावर प्रत्येक लहान-मोठ्या बैठकीचे फोटो शेअर करणारे शिवकुमार यांनी प्रियांका गांधींसोबतच्या सुमारे ३० मिनिटांच्या बैठकीचे फोटो शेअर करणे टाळले. मुख्यमंत्री सिद्धरामय्या आणि उपमुख्यमंत्री डीके शिवकुमार दोघांनीही लोकसभेतील विरोधी पक्षनेते राहुल गांधी यांना भेटण्यासाठी वेळ मागितला आहे, परंतु स्वतंत्रपणे. या सर्वांमुळे कर्नाटकात नेतृत्व बदलाच्या अटकळींना आणखी बळकटी मिळाली.
