Shubman Gill Test Century IND vs AFG Match : भारत आणि अफगाणिस्तान यांच्यातील कसोटी सामना मुल्लानपूर येथे खेळला जात आहे. या सामन्यात भारतीय कर्णधार शुबमन गिलने आपल्या बॅटने अक्षरशः धुमाकूळ घातला आहे. सामन्याच्या पहिल्याच दिवशी गिलने अफगाणिस्तानच्या गोलंदाजांची धुलाई करत अवघ्या १३८ चेंडूंत आपले शानदार शतक पूर्ण केले. कर्णधार म्हणून खेळलेल्या या ऐतिहासिक खेळीच्या जोरावर त्याने केवळ टीम इंडियाला भक्कम स्थितीत पोहोचवले नाही, तर क्रिकेट विश्वातील अनेक दिग्गजांचे मोठे रेकॉर्ड्स मोडले आहेत.

कोच गौतम गंभीरच्या शतकांची केली बरोबरी!

पहिल्या दिवसाचा खेळ संपला तेव्हा शुबमन गिल १४३ चेंडूंत ११ चौकार आणि १ षटकाराच्या मदतीने १०३ धावा करून नाबाद परतला. या शतकासह शुबमन गिलच्या नावावर आंतरराष्ट्रीय क्रिकेटमध्ये (कसोटी, वनडे, टी-२० मिळून) आता एकूण २० शतके झाली आहेत. या कामगिरीसह त्याने भारताचे विद्यमान मुख्य प्रशिक्षक गौतम गंभीर यांच्या २० आंतरराष्ट्रीय शतकांच्या विक्रमाची बरोबरी केली आहे. ज्या वेगाने गिल धावा कुटत आहे, ते पाहता तो लवकरच व्हीव्हीएस लक्ष्मण (२३) आणि शिखर धवन (२४) यांनाही मागे टाकेल.

Stumps on Day 1️⃣

Fabulous centuries from Captain Shubman Gill and Vice-captain KL Rahul power #TeamIndia‘s charge 💪

We will resume proceedings tomorrow at 368/3 👌

Scorecard ▶️ https://t.co/Au50EfVM30#INDvAFG | @IDFCFIRSTBank pic.twitter.com/sjVmjH8WLv

— BCCI (@BCCI) June 6, 2026

धोनी-गांगुलीलाही टाकलं मागे; कोहली अव्वल!

Skipper. Centurion. Local boy. 🌟

Frames from a very special ton from Shubman Gill 📸

Updates ▶️ https://t.co/Au50EfVM30#TeamIndia | #INDvAFG | @IDFCFIRSTBank | @ShubmanGill pic.twitter.com/YOCKt09xQ7

— BCCI (@BCCI) June 6, 2026

शुबमन गिलच्या कसोटी कारकिर्दीतील हे ११ वे शतक आहे. मात्र, कसोटी कर्णधार म्हणून त्याच्या बॅटमधून निघालेले हे ६ वे शतक ठरले. हा आकडा गाठताच त्याने भारताचे दोन सर्वात यशस्वी कर्णधार एमएस धोनी आणि सौरव गांगुली यांना मागे टाकले आहे. धोनी आणि गांगुली या दोघांच्या नावावर कसोटी कर्णधार म्हणून प्रत्येकी ५-५ शतके आहेत.

हेही वाचा – Suryakumar Yadav Reaction : टीम इंडियातून पत्ता कट झाल्यावर सूर्यकुमार यादवची पहिलीच प्रतिक्रिया; फक्त एका ओळीची इन्स्टा स्टोरी होतेय व्हायरल

भारतासाठी कसोटी कर्णधार म्हणून सर्वाधिक २० शतके ठोकण्याचा विक्रम विराट कोहलीच्या नावावर आहे, तर सुनील गावस्कर ११ शतकांसह दुसऱ्या स्थानावर आहेत. गिल अवघ्या १५ डावांत ६ शतके ठोकून या यादीत वेगाने वर सरकत आहे.