Shubman Gill Broken Virat Kohli Record IND vs AFG 2nd ODI : भारतीय वनडे संघाचा कर्णधार आणि ‘प्रिन्स’ शुबमन गिलचा आंतरराष्ट्रीय क्रिकेटमधील तुफान फॉर्म कायम आहे. अफगाणिस्तानविरुद्धच्या दुसऱ्या वनडे सामन्यात त्याने पुन्हा एकदा धावांचा पाऊस पाडत शानदार शतक झळकावले आहे. लखनौमध्ये स्टेडियमवर गिलने अवघ्या ७७ चेंडूंत आपल्या वनडे कारकिर्दीतील ९ वे शतक पूर्ण केले. या खेळीत त्याने १२ चौकार आणि २ उत्तुंग षटकार ठोकले. या शतकासह त्याने कोहली, धवन आणि गंभीर यांसारख्या दिग्गज खेळाडूंचे विक्रम मोडले आहेत.

कोहली-धवनचा मोडला रेकॉर्ड –

शुबमन गिलने या शतकी खेळीदरम्यान भारतात (घरच्या मैदानावर) सर्वात वेगवान १,००० वनडे धावा पूर्ण करण्याचा विराट कोहली आणि शिखर धवनचा ऐतिहासिक विक्रम मोडला. विराट आणि धवनने भारतीय भूमीवर १,००० धावा पूर्ण करण्यासाठी २४ डाव घेतले होते. तर गिलने अवघ्या १९ डावांमध्ये हा पराक्रम करून दाखवला आहे. याशिवाय, कर्णधार म्हणून गिलचे हे सर्वात वेगवान वनडे शतक ठरले आहे. (भारतासाठी कर्णधार म्हणून सर्वात वेगवान वनडे शतक रोहित शर्माच्या ६३ चेंडूंत नावे आहे.)

ओपनिंग सोडली, नंबर ३ वर येऊन वादळ आणलं –

ODI fifty No. 1️⃣9️⃣ and one of sheer class from Captain Shubman Gill 👏🔝

He gets there in 38 deliveries!

Updates ▶️ https://t.co/JYJ5l44iJ6#TeamIndia | #INDvAFG | @IDFCFIRSTBank | @ShubmanGill pic.twitter.com/fuOOtaCIwO

— BCCI (@BCCI) June 17, 2026

या सामन्यात शुबमन गिलने स्वतःची सलामीची जागा युवा यशस्वी जैस्वालसाठी सोडली आणि तो तिसऱ्या क्रमांकावर फलंदाजीला आला. जैस्वाल अवघ्या ४ धावांवर बाद झाल्यानंतर गिल मैदानात उतरला. त्याने रोहित शर्मासोबत ८७ धावांची तर त्यानंतर इशान किशनसोबत (७१ चेंडूंत शतक, १२५ धावा) १४१ चेंडूंत तब्बल २२४ धावांची ऐतिहासिक आणि धडाकेबाज भागीदारी केली.

हेही वाचा – Ishan Kishan Record : इशान किशनचा छोटा पॅकेट बडा धमाका! वादळी शतक ठोकत धोनी-गिलच्या खास क्लबमध्ये मारली एन्ट्री

गिलने मोडला गंभीरचा विक्रम  –

CAPTAIN SHUBMAN GILL SHOW AT EKANA. pic.twitter.com/Mxgf2xy0n0

— Mufaddal Vohra (@mufaddal_vohra) June 17, 2026

शुबमन गिलने ३८ चेंडूंत आपले अर्धशतक पूर्ण केले होते, मात्र त्यानंतर तो अधिकच आक्रमक झाला आणि ७७ चेंडूंत शतकाला गवसणी घातली. या शतकासह गिलच्या आंतरराष्ट्रीय क्रिकेटमध्ये आता एकूण २१ शतके पूर्ण झाली असून, त्याने भारताचा माजी दिग्गज फलंदाज गौतम गंभीरला मागे टाकले आहे.