Georgia : जॅार्जियामध्ये गोळीबाराचा थरार….एकाच कुटुंबातील चार जणांचा मृत्यू; कौटुंबिक वादातून घडली घटना
Georgia : जॉर्जियातील लॉरेन्सव्हिल येथे गोळीबाराची घटना घडली आहे. कौटुंबिक वादातून एका भारतीय नागरिकासह चार जणांची गोळ्या झाडून हत्या करण्यात आली आहे.
Georgia : जॉर्जियातील लॉरेन्सव्हिल येथे गोळीबाराची घटना घडली आहे. कौटुंबिक वादातून एका भारतीय नागरिकासह चार जणांची गोळ्या झाडून हत्या करण्यात आली आहे. यामुळे परिसरात भीतीचे वातावरण पसरले आहे.
या प्रकरणी स्थानिक पोलिसांनी संशयित विजय कुमारला अटक केली आहे. मृतांमध्ये एका भारतीय व्यक्तीचा देखील समावेश आहे. स्थानिक माध्यमांनी दिलेल्या वृत्तानुसार, शुक्रवारी सकाळी लॉरेन्सव्हिल शहरात ही गोळीबाराची घटना घडली आहे.
या घटनेत चार जणांचा मृत्यू झाला असून, घटनेवेळी तीन मुले घरात होती. मुलांनी कपाटात लपून पोलिसांना फोन करून आपले प्राण वाचवले.
हेही वाचा : Chhagan Bhujbal : महाराष्ट्र सदन घोटाळा प्रकरण; दोषमुक्त झाल्यानंतर छगन भुजबळांची पहिली प्रतिक्रिया समोर
ग्विनेट काउंटी पोलिसांनी दिलेल्या माहितीनुसार, कुमारची पत्नी मीमू डोगरा (४३), गौरव कुमार (३३), निधी चंदर (३७) आणि हरीश चंदर (३८) अशी मृतांची नावे आहेत. या घटनेनंतर जॉर्जियातील अटलांटा येथील भारतीय दूतावासाने तीव्र दुःख व्यक्त केले आहे.
“कथित कौटुंबिक वादाशी संबंधित या दुःखद गोळीबाराच्या घटनेने आम्हाला खूप दुःख झाले आहे, ज्यामध्ये एका भारतीय महिलेचा बळी गेला आहे. कथित गोळीबार करणाऱ्याला अटक करण्यात आली आहे आणि पीडितेच्या कुटुंबाला सर्वतोपरी मदत केली जात आहे.” असे म्हटले आहे.
या घटनेतील पोलिसांनी ताब्यात घेतलेल्या संशियतावर विविध कलमानुसार गुन्हे दाखल करण्यात आले आहेत. या घटनेचा पुढील तपास पोलीस करत आहेत.
मुलं घाबरली अन्…
घरातील कौटुंबिक वादाने परिसिमा ओलांडली आणि गोळीबारची घटना घडली. या कुटुंबातील तीन मुले स्वतःला वाचवण्यासाठी कपाटात लपून बसली. यातील एका मुलाने ९११ वर कॉल करून पोलिसांना घडलेल्या घटनेची माहिती दिली. यानंतर अधिकारी तात्काळ घटनास्थळी पोहचले, अशी माहिती एका स्थानिक पोलिस अधिकाऱ्याने दिली आहे.
