Ghorpadi Peth : घोरपडी पेठेत गोळीबार; एक जण जखमी, मुख्य आरोपी सुजल परदेशी ताब्यात
Ghorpadi Peth: घटनेमागील नेमके कारण शोधण्यासाठी पोलिसांचा तपास सुरू
Updated On:
पुणे : घोरपडी पेठ परिसरात शुक्रवारी सायंकाळी झालेल्या गोळीबाराच्या घटनेत ख्वाजा उद्दीन नाजीर शेख (उर्फ नुरू शेख) हा जखमी झाला. त्याच्या पाठीत गोळी लागल्याने त्याला तातडीने रुग्णालयात दाखल करण्यात आले असून त्याची प्रकृती स्थिर असल्याची माहिती पोलिसांनी दिली.
या प्रकरणात सुजल सुनील परदेशी व त्याच्या साथीदारांनी नुरू शेखवर गोळीबार केल्याचा आरोप आहे. घटनेनंतर आरोपी पसार होण्याचा प्रयत्न करत असताना पोलिसांनी तात्काळ कारवाई करून मुख्य आरोपी सुजल सुनील परदेशी याला ताब्यात घेतले. त्याच्या साथीदारांचा शोध सुरू असून घटनेमागील नेमके कारण शोधण्यासाठी पोलिसांकडून तपास सुरू आहे.
