Payal Zhambre : पुण्यातील मुकुंदनगर परिसरात आयटी इंजिनिअर पायल पवार झांबरे हिच्या आत्महत्येप्रकरणी गंभीर आरोप समोर आले आहेत. सासरच्या मंडळींकडून होणाऱ्या कथित मानसिक आणि शारीरिक छळाला कंटाळून पायलने आत्महत्या केल्याचा आरोप तिच्या माहेरच्या कुटुंबीयांनी केला आहे. आत्महत्येच्या आदल्या रात्री सासू आणि पतीने तिला मारहाण केल्याचा दावा तिच्या भावाने केला आहे. या घटनेमुळे पुण्यात खळबळ उडाली आहे. (Payal Zhambre)

आत्महत्येच्या आदल्या रात्री नेमकं काय घडलं?

मिळालेल्या माहितीनुसार, पायल पवार झांबरे हिचा सहा वर्षांपूर्वी विवाह झाला होता. तिला चार वर्षांची एक मुलगी आहे. पायलच्या माहेरच्या कुटुंबीयांनी आरोप केला आहे की, गेल्या काही महिन्यांपासून तिचा सासरच्या मंडळींकडून मानसिक आणि शारीरिक छळ केला जात होता. (Payal Zhambre)

आत्महत्येच्या आदल्या रात्री पायल आणि तिच्या सासूमध्ये जोरदार वाद झाल्याचा दावा तिच्या भावाने केला आहे. या वादादरम्यान सासू आणि पतीने पायलला मारहाण केल्याचा आरोपही करण्यात आला आहे. (Payal Zhambre)

मारहाणीनंतर पायल घाबरलेल्या अवस्थेत माहेरी आली होती. सासरच्या घरी आपल्यासोबत घडलेल्या घटनांची माहिती तिने कुटुंबीयांना दिल्याचे तिच्या भावाने सांगितले. (Payal Zhambre)

“सकाळी साडेसातला गेलो, तेव्हा ते निघून गेले”

पायलच्या भावाने घटनेच्या सकाळची माहिती देताना सांगितले की, त्यांना फोन करून पायल घरात मिळत नसल्याचे कळवण्यात आले. त्यानंतर सकाळी सात ते साडेसातच्या सुमारास ते झांबरे यांच्या घरी पोहोचले. (Payal Zhambre)

त्यावेळी सासरची मंडळी घरात असल्याचे त्याने सांगितले. मात्र, माहेरचे लोक पोहोचताच “गाडी घेतली आहे, आम्ही तिला स्वारगेटला शोधतो,” असे सांगून तेथून निघून गेल्याचा आरोप पायलच्या भावाने केला आहे. (Payal Zhambre)

हुंडा आणि कौटुंबिक छळाचे आरोप

पायलच्या माहेरच्या कुटुंबीयांनी लग्नानंतर हुंडा आणि मानपानावरून छळ झाल्याचा आरोप केला आहे. लग्नात मोठ्या प्रमाणात हुंडा आणि मानपान देण्यात आले होते, असेही त्यांनी सांगितले. (Payal Zhambre)

मुकुंदनगर येथील जुन्या फ्लॅटमध्ये पायलने गळफास घेतल्याची माहिती समोर आली आहे. या घटनेनंतर तिच्या माहेरच्या कुटुंबीयांनी सासरच्या मंडळींविरोधात गंभीर आरोप केले आहेत. (Payal Zhambre)

झांबरे पॅलेस येथे तोडफोड; परिसरात तणाव

पायलच्या मृत्यूची बातमी समोर आल्यानंतर मुकुंदनगर परिसरात संतापाचे वातावरण निर्माण झाले. संतप्त नातेवाईक आणि ओळखीच्या लोकांनी झांबरे पॅलेस येथे दगडफेक आणि तोडफोड केली. (Payal Zhambre)

घटनेची माहिती मिळताच पोलिसांनी घटनास्थळी धाव घेत परिस्थिती नियंत्रणात आणली. या प्रकरणी कौटुंबिक छळ आणि मारहाणीच्या आरोपांच्या अनुषंगाने पोलिसांकडून तपास सुरू असल्याची माहिती आहे. (Payal Zhambre)