संगमनेर, (प्रतिनिधी)- शिवसेना महिला आघाडी व शिवसैनिकांच्या वतीने बदलापूर येथील अमानवी घटनेचा निषेध करण्यात आला. नराधमाला फाशी देण्याच्या मागणी सोबतच पीडितांना न्याय देण्यास विलंब करणाऱ्या गृहखात्याचा धिक्कार करण्यात आला.

यावेळी महिलांनी ‘पंधराशे नको न्याय द्या’ ‘लाडक्या बहिणींना पैसे नको सुरक्षा द्या’अश्या घोषणा दिल्या.

गृहमंत्री म्हणून सपशेल अपयशी ठरलेल्या देवेंद्र फडणवीस यांच्या काळात कोपर्डी प्रकरण ते नवी मुंबई प्रकरण घडले. आत्ताच बदलापूर येथे माणुसकीला काळिमा फासणारी घटना घडली.

यावेळी पोलिसांनी कोणाच्या दबावाखाली तक्रार नोंदवून घेण्यास दिरंगाई केली? संबंधित संस्थाचालक कोणत्या पक्षाचे आहेत? बदलापूर येथील आंदोलकांवर लाठीचार्ज का करण्यात आला, असे अनेक प्रश्न उपस्थित करत फडणवीस यांच्या राजीनाम्याची मागणी शिवसैनिक अमर कतारी यांनी केली. आरोपीला फाशी देण्यासाठी मागणी तालुकाप्रमुख शीतल हासे, उपजिल्हा प्रमुख आशाताई केदारी,

शहरप्रमुख संगीता गायकवाड, उपतालुका प्रमुख रेणुका शिंदे, वैशाली वडतल्ले यांच्यावतीने करण्यात आली. याबाबतचे निवेदन शहर पोलीस स्थानकाला देण्यात आले.

यावेळी माजी तालुकाप्रमुख भाऊसाहेब हासे, युवा सेना जिल्हाप्रमुख अमित चव्हाण, शह प्रमुख गोविंद नागरे, युवा सेना जिल्हा समन्वयक फैसल सय्यद, पथ विक्रेता सदस्य दीपक साळुंखे, युवा सेना उपजिल्हाप्रमुख वैभव अभंग, आरोग्य सेना जिल्हाप्रमुख अजीज मोमीन, उपशहर प्रमुख वेणुगोपाल लाहोटी, दीपक वन्नम, समन्वयक अक्षय बिल्लाडे, विलास शेळके आदी शिवसैनिक उपस्थित होते.