लोणी काळभोर -राज्यसभेचे सभापती व्यंकय्या नायडू यांनी राज्यसभेच्या नवनिर्वाचित सदस्यांच्या शपथविधीवेळी छत्रपती शिवाजी महाराज यांच्याबद्दल केलेल्या वक्‍तव्याचा पुणे जिल्हा शिवसेनेचे वतीने जाहीर निषेध करून नाराजी व्यक्‍त करण्यात आली.

राज्यसभा खासदारकीची शपथ घेताना शपथ संपल्यावर भाजप खासदार उदयनराजे भोसले यांनी जय भवानी, जय शिवाजी’, अशी घोषणा दिली होती. यावरून राज्यसभेचे सभापती नायडू यांनी उदयनराजेंना समज दिली. यावरून शिवसैनिकांमध्ये नायडू यांच्या विरोधात नाराजीचे वातावरण पसरले आहे. या निषेधार्थ गुरुवार (दि.23) पुणे जिल्ह्यातील शिवसैनिकांनी माजी खासदार व उपनेते, संपर्कप्रमुख शिवाजीराव आढळराव पाटील, जिल्हाप्रमुख माऊली कटके, रमेश कोंडे यांच्या मार्गदर्शनाखाली तहसीलदार संजय भोसले यांना निवेदन दिले.

यावेळी जिल्हा संघटक रमेश भोसले, हवेली तालुका प्रमुख प्रशांत काळभोर, संदीप मोडक, गणपत खाटके, लोणी काळभोर शाखाप्रमुख राहुल काळभोर, विभागप्रमुख राजेंद्र जोशी, शांताराम पडळ पोपट चोरघे यांच्यासह अनेक पदाधिकारी व शिवसैनिक उपस्थित होते.