Shirur News : महिला व बालकल्याण विकास विभागामार्फत शासकीय कर्ज मंजूर करून देण्याचे आमिष दाखवत शिरूर परिसरातील शंभरहून अधिक महिला व पुरुषांची लाखो रुपयांची आर्थिक फसवणूक झाल्याचा धक्कादायक आरोप समोर आला आहे. (Shirur News)

या प्रकरणी संबंधित आरोपींविरोधात गुन्हा दाखल करून कठोर कारवाई करावी, तसेच सर्व पीडितांची लुबाडलेली रक्कम परत मिळवून द्यावी, अशी मागणी करत शिरूर पोलीस ठाण्यात सविस्तर तक्रार अर्ज दाखल करण्यात आला आहे. (Shirur News)

तक्रारीनुसार, सुमारे तीन महिन्यांपूर्वी वर्षा इमरान सौदागर शेख (उर्फ वर्षा रासकर) यांनी त्यांच्या पती तसेच शिरूर नगरपरिषदेतील कर्मचारी सुप्रिया स्वप्नील गोसावी यांच्या समवेत महिला व बालकल्याण विकास विभागाच्या माध्यमातून शासकीय कर्ज मंजूर करून देण्याचे आश्वासन दिले. (Shirur News)

त्यासाठी प्रोसेसिंग फी, फाईल चार्ज, कागदपत्रांचा खर्च आणि इतर विविध कारणे सांगत प्रत्येक अर्जदाराकडून १५ हजार ते १ लाख ४० हजार रुपयांपर्यंत रक्कम रोख तसेच ऑनलाइन पद्धतीने स्वीकारण्यात आली. (Shirur News)

तक्रारदारांच्या म्हणण्यानुसार, या माध्यमातून जवळपास १०० महिला व पुरुषांकडून लाखो रुपयांची वसुली करण्यात आली. विशेष म्हणजे, फसवणूक झालेल्या नागरिकांमध्ये अनुसूचित जाती (SC), अनुसूचित जमाती (ST), विमुक्त जाती-भटक्या जमाती (VJNT/NT) तसेच आर्थिकदृष्ट्या दुर्बल घटकांतील नागरिकांचा मोठ्या प्रमाणावर समावेश आहे. (Shirur News)

शासनाच्या कल्याणकारी योजनांचा लाभ मिळवून देण्याचे खोटे आश्वासन देत या नागरिकांकडून पैसे उकळल्याचा आरोप तक्रारीत करण्यात आला आहे.
तक्रारीत पुढे नमूद करण्यात आले आहे की, रक्कम स्वीकारल्यानंतर आजपर्यंत एकाही अर्जदाराला कोणतेही शासकीय कर्ज मंजूर झालेले नाही. (Shirur News)

संबंधितांकडे वारंवार विचारणा केल्यानंतर उडवाउडवीची उत्तरे देण्यात आली. दरम्यान, वर्षा इमरान सौदागर शेख या गेल्या दोन महिन्यांपासून संपर्काबाहेर असून फरार असल्याचा आरोपही तक्रारीत करण्यात आला आहे. (Shirur News)

पीडितांनी भारतीय न्याय संहितेतील फसवणूक, विश्वासघात तसेच लागू होणाऱ्या इतर संबंधित कलमांनुसार गुन्हा दाखल करून सर्व आरोपींवर कठोर कारवाई करण्याची मागणी केली आहे. (Shirur News)

तसेच, सर्व पीडितांची नावे, त्यांनी भरलेली रक्कम, मोबाईल क्रमांक व इतर तपशील असलेली यादीही पोलीस प्रशासनाकडे पुरावा म्हणून सादर करण्यात आली आहे. या सर्व पीडितांचे जबाब नोंदवून आरोपींकडून लुबाडलेली रक्कम परत मिळवून द्यावी, अशीही मागणी करण्यात आली आहे. (Shirur News)

या प्रकरणाची तातडीने दखल घेऊन गुन्हा दाखल करून योग्य ती कारवाई करण्यात आली नाही, तर शंभरहून अधिक पीडित महिला व पुरुष शिरूर पोलीस ठाण्यासमोर लोकशाही मार्गाने आंदोलन छेडतील, असा इशारा तक्रारदारांनी दिला आहे. (Shirur News)

यावेळी नगराध्यक्षा ऐश्वर्या पाचर्णे, उपनगराध्यक्ष मितेश गादीया, सभापती सुनिल जाधव, एजाज बागवान, आयेशा सय्यद, सुनिता पोटे, नगरसेवक अभिजित पाचर्णे, संतोष थेऊरकर, उमेश शेळके व नागरिक मोठ्या संख्येने उपस्थित होते. (Shirur News)

या कथित फसवणूक प्रकरणामुळे शिरूर परिसरात मोठी खळबळ उडाली असून, पोलिसांच्या चौकशीनंतर नेमके सत्य काय आहे, याकडे सर्वांचे लक्ष लागले आहे. (Shirur News)