Jambut News : शिरूर तालुक्याच्या बेट भागात विविध ठिकाणी पुन्हा एकदा छोट्या-मोठ्या चोऱ्यांचे प्रमाण वाढू लागले असून या घटनामुळे बेट भागात भीतीचे वातावरण निर्माण झाले आहे. मागील महिनाभरापूर्वी पिंपरखेड (ता. शिरूर) येथील घोडनदीवरील कृषीपंपाची केबल चोरी आणि विद्युत रोहित्र तोडफोडीच्या घटना घडल्या आहेत. (Jambut News)

या घटनेतील चोरट्यांचा शोध लावण्यात शिरूर पोलीस स्टेशन आणि टाकळी हाजी पोलीस दूरक्षेत्र यांना अपयश आल्याने नागरिकांमध्ये पोलीस प्रशासनाच्या कामावर नाराजीचा सूर उमटल्याचे दिसून येत आहे. (Jambut News)

शनिवार (दि. १५) रोजी पहाटे अडीच वाजेच्या सुमारास पिंपरखेड (ता. शिरूर) येथील पारगाव रस्ता परिसरात वास्तव्यास असलेल्या विठाबाई खंडेराव भोर यांच्या घराचा कडी कोयंडा तोडून आत प्रवेश करत चोरी करण्याचा प्रयत्न करण्यात आला. (Jambut News)

मात्र घरात झोपलेल्या लहान मुलीला जाग आली आणि तिने आरडाओरडा केल्याने चोरट्यांचा चोरीचा प्रयत्न फसला आणि त्यांनी तेथून ‘चलो निकलो’ असे म्हणत निदर्शनास आलेल्या चौघांनी पळ काढला. तर फाकटे (ता. शिरूर) येथील शेतकरी विलास दरकू वाळूंज यांच्या घराचे शेजारून रविवारी (दि. १६) रोजी पहाटे चार शेळ्यांची चोरी झाली असल्याचे उघड झाले आहे. (Jambut News)

अशाप्रकारे बेट भागातील या गावांमध्ये चोऱ्यांचे वाढते प्रमाण पाहता पोलीस प्रशासनाने या घटनांचे गांभीर्य लक्षात घेता या घटनांतील चोरट्यांचा शोध लावण्याची मागणी सामाजिक कार्यकर्ते शंकर पिंगळे यांनी केली आहे. (Jambut News)

Jambut News : पुणे जिल्हा मध्यवर्ती सहकारी बँकेच्या जांबुत शाखेची बॉण्ड वितरणात विक्रमी कामगिरी