Maharashtra Politics : एकीकडे सर्वोच्च न्यायालयात ‘शिवसेना नेमकी कोणाची?’ यावरून ठाकरे गटाकडून जोरदार युक्तिवाद सुरू असतानाच, दुसरीकडे मात्र राजकीय पटलावर एक वेगळाच भूकंप (Maharashtra Politics) पाहायला मिळत आहे.

कोर्टातील कायदेशीर लढाई सुरू असतानाच उपमुख्यमंत्री एकनाथ शिंदे यांनी ठाकरे गट, काँग्रेस आणि शरद पवार यांच्या राष्ट्रवादी काँग्रेसला एकाच वेळी मोठा धक्का दिला आहे.

ठाण्यातील मातोश्री गंगुबाई शिंदे हॉलमध्ये पार पडलेल्या एका भव्य पक्षप्रवेश (Maharashtra Politics) सोहळ्यात विविध पक्षांतील आजी-माजी लोकप्रतिनिधींसह शेकडो कार्यकर्त्यांनी अधिकृतपणे शिंदे गटात प्रवेश करत शिवसेना पक्षाचा ‘धनुष्यबाण’ हाती धरला. यामध्ये ठाणे, वसई, विरार, मुंबई उपनगर आणि जालन्यातील अनेक बड्या नेत्यांचा समावेश आहे.

शरद पवार गटाच्या पालघर महिला जिल्हाध्यक्षा मेघा म्हात्रे, श्रमजीवी संघटनेचे महाराष्ट्र राज्य संघटक व पालघर उपाध्यक्ष रुपेश डोले यांच्यासह तालुकाध्यक्षांनी शिंदे गटात प्रवेश केला. दुसरीकडे, ठाकरे गटाला नालासोपारा आणि मुंबईत मोठे खिंडार पडले असून नालासोपारा परिसरातील उपविभाग प्रमुख, विधानसभा उप-संघटक, शाखाप्रमुख आणि युवासेना पदाधिकाऱ्यांसह कांदिवलीतील तब्बल २५ पदाधिकाऱ्यांनी थेट शिवसेनेत जाहीर प्रवेश केला.

यासोबतच, मुंबई उपनगरचे (Maharashtra Politics) अपक्ष उमेदवार प्रमोद शिवाजी पाटील, काँग्रेस पक्षाचे माजी अध्यक्ष मोहद मलिक आणि जालना जिल्ह्यातील शरद पवार गटाचे माजी सरपंच तथा मार्केट समिती संचालक व उपाध्यक्ष दत्ता पाटील खोजे यांनीही आपल्या समर्थकांसह पक्षप्रवेश करत राजकीय वर्तुळात मोठी खळबळ उडवून दिली आहे.