Shilpa Shetty | बॉलीवूड अभिनेत्री शिल्पा शेट्टीने मुंबईतील वांद्रे भागातील बॅस्टियन येथील तिचे नामांकित रेस्टॉरंट बंद करत असल्याची घोषणा केली आहे. सेलिब्रिटींसह चाहत्यांचे हे आवडते रेस्टॉरंट होते. सोनाक्षी सिन्हा आणि झहीर इक्बालने त्यांचं वेडिंग रिसेप्शनही शिल्पा शेट्टीच्या या रेस्टॉरंटमध्ये ठेवलं होतं. मात्र आता ‘बॅस्टियन’ रेस्टॉरंटला टाळं लागणार आहे. शिल्पा शेट्टीने तिच्या इंस्टाग्राम स्टोरीजवर एक पोस्ट शेअर करत ही माहिती दिली आहे. त्यात तिने लिहिले की, “या गुरुवारी एका युगाचा अंत होत आहे कारण आपण मुंबईतील सर्वात प्रतिष्ठित ठिकाणांपैकी एक असलेल्या बॅस्टियन वांद्रे रेस्टॉरंटला निरोप देत आहोत. ज्या ठिकाणाने आपल्याला असंख्य आठवणी, अविस्मरणीय रात्री आणि क्षण दिले ज्याने शहराच्या नाईटलाइफला आकार दिला, आता तो शेवटच्या टप्प्यात आहेत,” असे तिने लिहिले. “या प्रतिष्ठीत जागेचा सन्मान करण्यासाठी, आम्ही आमच्या जवळच्या ग्राहकांसाठी एक अतिशय खास संध्याकाळ आयोजित करत आहोत. एक रात्र जी जुन्या आठवणी, ऊर्जा आणि जादूने भरलेली असेल, जी बास्टियन त्याचा शेवटचा दिवस साजरा करेल. बॅस्टियन बांद्राला निरोप देईल पण, गुरुवारी रात्रीची आमची नेहमीची परंपरा आर्केन अफेअर पुढील आठवड्यात बास्टियन अॅट द टॉप येथे सुरू राहील, नवीन अनुभवांसह एका नवीन अध्यायात वारसा पुढे नेईल,” असे अभिनेत्री लिहिले होते. Shilpa Shetty | बॅस्टियन वांद्रे रेस्टोरंट हे अभिनेत्री शिल्पा शेट्टी आणि रेस्टॉरंटचे मालक रणजीत बिंद्रा यांच्या संयुक्त मालकीचे आहे. 2016 मध्ये ते सुरू झाले होते. येथील सीफूड प्रसिद्ध होते. शिल्पा शेट्टी आणि तिचा पती राज कुंद्रा यांच्यावर आर्थिक गुन्हे शाखेने मुंबईतील एका व्यावसायिकाला कर्जासह गुंतवणूक कराराच्या संदर्भात 60 कोटी रुपयांची फसवणूक केल्याचा गुन्हा दाखल केल्यानंतर काही आठवड्यांनंतर बास्टियन बंद होत आहे. Shilpa Shetty | हेही वाचा: Munjya seque l : मुंज्याच्या सिक्वलबाबत मोठी अपडेट; शर्वरी वाघचा पत्ता कट होणार? ‘या’ अभिनेत्रीच्या एन्ट्रीची चर्चा
