Koregaon Bhima News : शिरूर तालुक्यातील गावांमध्ये रात्रीच्या वेळी होणाऱ्या चोरीच्या घटनांना आळा घालण्याबरोबरच गावातील सुरक्षितता अधिक मजबूत करण्यासाठी शिक्रापूर पोलीस स्टेशनच्या वतीने प्रत्येक गावात ग्रामसुरक्षा दलाची स्थापना करण्यात येणार आहे. (Koregaon Bhima News)

याच पार्श्वभूमीवर डिंग्रजवाडी येथे तरुण व ग्रामस्थांची बैठक घेण्यात आली. शिक्रापूर पोलीस स्टेशनचे पोलीस निरीक्षक चंद्रशेखर यादव यांच्या मार्गदर्शनाखाली सहाय्यक पोलीस निरीक्षक शिवाजी भोसले, पोलीस हवालदार नवनाथ नाईकडे, विकास सरोदे तसेच पोलीस पाटील साईनाथ गव्हाणे यांनी ग्रामस्थ व तरुणांशी संवाद साधत ग्रामसुरक्षा दलाच्या स्थापनेबाबत माहिती दिली. (Koregaon Bhima News)

गावात रात्रीच्या वेळी होणाऱ्या चोरी, घरफोडी तसेच संशयास्पद हालचालींवर लक्ष ठेवण्यासाठी गावातील तरुणांनी एकत्रितपणे काम करणे आवश्यक आहे. पोलिसांच्या मार्गदर्शनाखाली ग्रामसुरक्षा दलाच्या माध्यमातून गावातील विविध भागांमध्ये रात्रीच्या वेळी गस्त ठेवणे, संशयास्पद व्यक्ती किंवा वाहनांची माहिती पोलिसांना देणे तसेच आपत्कालीन परिस्थितीत तातडीने पोलिसांशी संपर्क साधणे याबाबत बैठकीत मार्गदर्शन करण्यात आले. (Koregaon Bhima News)

गाव सुरक्षित तर कुटुंब सुरक्षित’ या भावनेतून ग्रामस्थांनीही पोलिसांच्या या उपक्रमाला सहकार्य करण्याची भूमिका एपीआय भोसले यांनी व्यक्त केली. गावातील तरुणांनी पोलिसांच्या संपर्कात राहून कोणतीही संशयास्पद हालचाल निदर्शनास आल्यास स्वतःहून कायदा हातात न घेता तत्काळ पोलिसांना माहिती द्यावी, असे आवाहन ही यावेळी करण्यात आले. (Koregaon Bhima News)

सदर बैठकीस डिंग्रजवाडीचे माजी सरपंच यशवंत गव्हाणे, माजी उपसरपंच विजय गव्हाणे, माजी चेअरमन प्रवीण गव्हाणे, शाळा व्यवस्थापन समितीचे अध्यक्ष दत्तात्रय गव्हाणे, सामाजिक कार्यकर्ते विशाल गव्हाणे, सागर गव्हाणे, समीर गव्हाणे, प्रताप गव्हाणे यांच्यासह मोठ्या संख्येने ग्रामस्थ व तरुण उपस्थित होते. (Koregaon Bhima News)

दरम्यान, डिंग्रजवाडीसोबतच आपटी आणि वढू बुद्रुक येथेही ग्रामसुरक्षा दलाच्या स्थापनेसंदर्भात बैठका घेण्यात आल्या. शिक्रापूर पोलीस स्टेशनच्या हद्दीतील विविध गावांमध्ये अशा प्रकारे बैठका घेऊन स्थानिक तरुणांना ग्रामसुरक्षा दलाच्या माध्यमातून पोलिसांशी जोडण्याचा प्रयत्न करण्यात येत आहे. त्यामुळे गावपातळीवर पोलिसांची गस्त व ग्रामस्थांची सतर्कता यांचा समन्वय वाढून चोरीच्या घटनांना आळा बसण्यास मदत होणार आहे. (Koregaon Bhima News)

Koregaon Bhima News : डिंग्रजवाडीत पारंपरिक पद्धतीने नागपंचमी साजरी; सुवासिनींकडून वारुळाची पूजा अन् नागदेवतेला दुधाचा अभिषेक

Koregaon Bhima News : १५० हून अधिक सीसीटीव्ही कॅमेऱ्यांचे फुटेज अन् ३ किमीचा पाठलाग; शिक्रापूर पोलिसांचा ‘ऑपरेशन ट्रॅप’ यशस्वी!