Sheikh Hasina on insurgency । बांगलादेशच्या पंतप्रधान शेख हसीना यांच्यासाठी २०२४ हे वर्ष दुर्दैवी ठरले. देशात मोठ्या प्रमाणात निदर्शने झाल्यानंतर, त्यांना त्यांच्या पदाचा राजीनामा देऊन देश सोडण्यास भाग पाडण्यात आले. पण आता शेख हसीना यांच्या या बंडाबद्दल एक महत्त्वाचा खुलासा झाला आहे.

बांगलादेशातील आघाडीच्या एका वृत्तपात्रात  आलेल्या वृत्तानुसार, “आंतरराष्ट्रीय गुन्हे न्यायाधिकरणाचे वकील मोहम्मद ताजुल इस्लाम यांनी न्यायालयीन सुनावणीदरम्यान शेख हसीना यांच्या राजीनाम्याशी संबंधित घटना सांगितली.”

ताजुल इस्लाम म्हणाले की, ५ ऑगस्ट २०२४ रोजी जेव्हा लष्करी अधिकाऱ्यांनी बंडाच्या वेळी शेख हसीना यांना राजीनामा देण्यास सांगितले तेव्हा शेख हसीना म्हणाल्या होत्या की मला गोळ्या घाला आणि येथे बंगभवन (राष्ट्रपती निवासस्थान) येथे पुरून टाका. पदाचा राजीनामा देण्यापूर्वी शेख हसीना यांचे हे शेवटचे शब्द होते. यानंतर शेख हसीना यांनी भारतात आश्रय घेतला.

गेल्या वर्षी बांगलादेशात एक सत्तापालट  Sheikh Hasina on insurgency । 

गेल्या वर्षी ५ ऑगस्ट रोजी बांगलादेशातील शेख हसीना सरकार उलथवून टाकण्यात आले. त्यांच्यानंतर, मोहम्मद युनूस सरकार यांना अंतरिम सरकारचे प्रमुख बनवण्यात आले. ते फक्त काही महिन्यांसाठी अंतरिम सरकारचे प्रमुख बनले. पुढील काही महिन्यांत निवडणुका होतील असा दावा करण्यात आला होता पण सध्या तरी निवडणुका होण्याची शक्यता दिसत नाही. बांगलादेशातील विद्यार्थी सतत निदर्शने करत आहेत आणि मोहम्मद युनूस सरकारविरुद्ध संताप व्यक्त करत आहेत.

गेल्या वर्षी बांगलादेशात झालेल्या सत्तापालटानंतर लष्कराचे नियंत्रण आहे. अशा परिस्थितीत, आता लष्कराला देशात लवकरात लवकर निवडणुका घ्यायच्या आहेत जेणेकरून सैन्य त्यांच्या बॅरेकमध्ये परतू शकेल. अशा परिस्थितीत बांगलादेशातील ही तीन मोठी पावले युनूस सरकार पाडू शकतात. Sheikh Hasina on insurgency । 

शेख हसीना यांनी सत्ता सोडल्यानंतर बांगलादेशातील परिस्थिती अजूनही तणावपूर्ण आहे. बांगलादेश सैन्याच्या आपत्कालीन बैठकीत पाच लेफ्टनंट जनरल, आठ मेजर जनरल (जीओसी), स्वतंत्र ब्रिगेडचे कमांडिंग अधिकारी आणि लष्कर मुख्यालयातील इतर प्रमुख अधिकारी उपस्थित होते.