Shefali Jariwala – कांटा लगा… या रिमिक्स गाण्याने लोकप्रियतेचे नवनवे उच्चांक प्रस्थापित केलेल्या आणि बिग बाॅस १३ ची स्पर्धक असलेल्या ४२ वर्षीय अभिनेत्री शेफाली जरीवाला हिचे मुंबईमध्ये हृदयविकाराच्या झटक्याने निधन झाले. शेफालीच्या अचानक जाण्याने मनोरंजन विश्वात शोककळा पसरली आहे. तथापि, पोलिस आणि फॉरेन्सिक टीम तपास करत आहेत. वर्ष १९७२ मधील समाधी या चित्रपटात ख्यातनाम गायिका लता मंगेशकर यांनी गायलेल्या कांटा लगा या गीताचा रिमिक्स व्हिडीओ दिग्दर्शक जोड़ी राधिका राव और विनय सप्रू यांनी केला होता. त्यावेळी शेफाली महाविद्यालयीन युवती होती. मूळ गाण्याचे संगीतकार राहुल देव बर्मन आणि गीतकार मजरूह सुलतानपुरी हे होते. मुंबईतील अंधेरी लोखंडवाला परिसरात राहणाऱ्या अभिनेत्री शेफालीची प्रकृती रात्री ११ वाजण्याच्या सुमारास बिघडली. छातीत दुखू लागल्याने तिचा पती पराग त्यागी तिला जवळच्या रुग्णालयात घेऊन गेला, जिथे डॉक्टरांनी तिला मृत घोषित केले. अभिनेत्री शेफालीचा मृतदेह दुपारी १२:३० वाजता अंधेरी येथील कूपर रुग्णालयात आणण्यात आला आणि नंतर पोस्टमॉर्टेमसाठी पाठवण्यात आला. शेफाली जरीवालाचा जन्म १५ डिसेंबर १९८२ रोजी गुजरातमधील अहमदाबाद येथे झाला. तिच्या वडिलांचे नाव सतीश जरीवाला आणि आईचे नाव सुनीता जरीवाला आहे. २०१४ मध्ये शेफालीने टीव्ही अभिनेता पराग त्यागीशी लग्न केले. शेफालीने २००२ मध्ये प्रदर्शित झालेल्या कांटा लगा या आयकॉनिक म्युझिक व्हिडिओने तिचा ठसा उमटवला. या व्हिडिओमधील तिचा डान्स, ग्लॅमरस लूक, टॅटू, बेली बटन पिअर्सिंग आणि मॉडर्न आउटफिटमुळे ती कांटा लगा गर्ल म्हणून प्रसिद्ध झाली. या गाण्याच्या यशामुळे देशात रीमिक्स संगीताचे एक नवे युग सुरू झाले. शेफालीने यानंतर अनेक टीव्ही मालिकांमध्ये आणि प्रोजेक्ट्समध्येही काम केले. तिथे तिच्या अभिनयाचे खूप कौतुक झाले. तिने वाइल्ड कार्ड एन्ट्रीद्वारे बिग बॉस सीझन १३ मध्ये भाग घेतला. शोमधील तिच्या वागण्याने आणि प्रेमाने प्रेक्षकांची मने जिंकली. याशिवाय शेफालीने नच बलिये सीझन ५ मध्येही भाग घेतला. शेफाली आजही तिच्या स्पष्टवक्त्या शैलीने आणि उत्तम नृत्याने चाहत्यांमध्ये लोकप्रिय आहे.
