Sheetal Devi World Record : शीतल देवीने रचला इतिहास! पायांनी तिरंदाजी करत वर्ल्ड रेकॉर्डशी साधली बरोबरी
क्रीडा विश्वात अशक्य मानल्या जाणाऱ्या मर्यादांना भेदून भारताच्या सुवर्णकन्येने पुन्हा एकदा अशक्य ते शक्य करून दाखवलं आहे. अंगावर काटा आणणाऱ्या जिद्दीच्या बळावर भारतीय पॅरा तिरंदाज शीतल देवी (Sheetal Devi World Record) हिने आशियाई पॅरा क्रीडा स्पर्धेत नवा इतिहास रचला.
Sheetal Devi World Record : क्रीडा विश्वात अशक्य मानल्या जाणाऱ्या मर्यादांना भेदून भारताच्या सुवर्णकन्येने पुन्हा एकदा अशक्य ते शक्य करून दाखवलं आहे. अंगावर काटा आणणाऱ्या जिद्दीच्या बळावर भारतीय पॅरा तिरंदाज शीतल देवी (Sheetal Devi World Record) हिने आशियाई पॅरा क्रीडा स्पर्धेत नवा इतिहास रचला.
महिलांच्या कंपाउंड प्रकारातील रँकिंग फेरीत तब्बल ७०४ गुणांची कमाई करत तिने थेट जागतिक विक्रमाची बरोबरी साधली. या विक्रमी स्कोअरसह ती तुर्कीच्या ओझनूर क्युरसोबत संयुक्तपणे जागतिक विक्रमाची मानकरी ठरली आहे.
थायलंडमधील बँकॉक येथे याच वर्षी मार्च महिन्यात शीतलने ६९८ गुण मिळवत स्वतःचा आशियाई विक्रम प्रस्थापित केला होता. हाच विक्रम तिने यावेळी ६ गुणांच्या फरकाने मोडीत काढत आणखी उंचावला. पात्रता फेरीच्या दोन्ही सत्रांत तिने प्रत्येकी ३५२ गुणांचा अचूक मारा केला.
संपूर्ण फेरीत ३२ वेळा ‘X’ आणि २५ वेळा परिपूर्ण ‘१०’ गुणांचा वेध घेत तिने अव्वल स्थान पटकावलं आणि भारताच्या मोहिमेची विजयी पायाभरणी केली. या ऐतिहासिक खेळीसह तिने २०२३ च्या हांगझोऊ आशियाई पॅरा स्पर्धेतील ६८० गुणांचा स्वतःचा जुना विक्रमही पार धुळीस मिळवला.
Sheetal Devi World Record
महिला कंपाउंड तिरंदाजीतील जागतिक विक्रमाची स्पर्धा अत्यंत चुरशीची राहिली आहे. ऑगस्ट २०२४ मध्ये ग्रेट ब्रिटनच्या फोबी पॅटरसन पाइनने ६९८ गुणांसह जागतिक विक्रम रचला होता. त्यानंतर पॅरिस पॅरालिम्पिक २०२४ मध्ये शीतलने ७०३ गुणांची कमाई करत तो विक्रम स्वतःच्या नावावर केला.
परंतु, तुर्कीच्या ओझनूर क्युरे गिरडीने ७०४ गुणांचा वेध घेत हा मान आपल्याकडे खेचून घेतला होता. आता शीतलने पुन्हा ७०४ गुणांची बरोबरी साधत जागतिक सिंहासनावर आपला हक्क सिद्ध केला आहे.
Signed, sealed, delivered.
India’s archery star Sheetal Devi begins her road to #AichiNagoya2026 glory in style.
#AsianParaGames #AsianParalympic https://t.co/zHKuaDjmxv
— Asian Paralympic Committee (@asianparalympic) October 19, 2026
एका दुर्मीळ जन्मजात व्याधीमुळे शीतलचा जन्म दोन्ही हातांशिवाय झाला. समाजाच्या दृष्टीने ही मोठी शारीरिक मर्यादा असली, तरी शीतलने तिचे रूपांतर आपल्या सर्वात मोठ्या ताकदीत केले. ती धनुष्य डाव्या पायाने घट्ट पकडते, खांदा आणि जबड्याच्या साहाय्याने दोरी खेचून बाणाची अचूक दिशा निश्चित करते आणि क्षणात लक्ष्याचा अचूक वेध घेते. तिच्या या अद्वितीय तंत्राने जगभरातील क्रीडा रसिकांना थक्क केले आहे.
२०२२ च्या हांगझोऊ आशियाई पॅरा स्पर्धेत दोन सुवर्ण आणि एका रौप्यपदकाची कमाई करणाऱ्या शीतलने २०२५ मध्ये जागतिक चॅम्पियनशिप जिंकत तिरंदाजी विश्व गाजवले आणि आता जागतिक विक्रमाची बरोबरी करत तिने पुन्हा एकदा जगाला आपल्या जिद्दीची ताकद दाखवून दिली आहे.
