Shashank Joins Puducherry : पंजाब किंग्सचा स्टार खेळाडू शशांक सिंगने अचानक बदलली टीम! आता ‘या’ संघासाठी खेळताना दिसणार
Shashank Joins Puducherry : पंजाब किग्सचा अष्टपैलू खेळाडू शशांक सिंगने देशांतर्गत क्रिकेटमध्ये एक मोठा आणि धक्कादायक निर्णय घेतला आहे.
Shashank Singh Leaves Chhattisgarh Joins Puducherry Domestic Season 2026-27 : आयपीएलमध्ये पंजाब किंग्सकडून (PBKS) धुमाकूळ घालणाऱ्या ३४ वर्षीय अष्टपैलू खेळाडू शशांक सिंगने देशांतर्गत क्रिकेटमध्ये एक मोठा आणि धक्कादायक निर्णय घेतला आहे. शशांकने छत्तीसगड संघ सोडला असून तो आता २०२६-२७ च्या आगामी हंगामात पुदुचेरी (Puducherry) संघाकडून खेळताना दिसणार आहे. छत्तीसगड स्टेट क्रिकेट संघाने (CSCS) आपल्याला ‘ना हरकत प्रमाणपत्र’ (NOC) दिल्याची माहिती त्याने स्वतः दिली. मात्र, हे पाऊल उचलताना त्याने छत्तीसगड क्रिकेट असोसिएशनच्या काही अधिकाऱ्यांवर अत्यंत गंभीर आरोप केले आहेत.
“दुखापतीच्या काळात साथ दिली नाही आणि…”
‘ईएसपीएन क्रिकइन्फो’शी बोलताना शशांकने आपल्या मनातील खंत बोलून दाखवली. तो म्हणाला, “मागील हंगामात माझ्या खांद्याला आणि बोटाला गंभीर दुखापत झाली होती. अशा कठीण प्रसंगी असोसिएशनने मला अजिबात साथ दिली नाही. एवढेच नाही तर छत्तीसगड क्रिकेट प्रीमियर लीग २०२६ च्या खेळाडूंच्या यादीतून माझे नाव अचानक हटवण्यात आले. बंगळुरू येथील प्री-सीजन कॅम्पसाठीही माझी निवड केली गेली नाही. जेव्हा मी याचे कारण विचारले, तेव्हा मला कोणतेही उत्तर दिले गेले नाही.”
Shashank Singh has decided to part ways with Chhattisgarh and represent Puducherry in the 2026-27 domestic season
The allrounder alleges “disrespect” and “indifference” as reasons behind his move pic.twitter.com/kCmsmVU618
— Cricinfo (@cricinfo) August 3, 2026
लाला अमरनाथ पुरस्कार विजेत्यावर गंभीर आरोप –
Shashank Singh 🗣️ “I’m not saying you give me preferential treatment, but someone who won the BCCI award for the best domestic white-ball allrounder [for 2023-24] at least deserves some clarity, not ridicule” pic.twitter.com/eBoPDLfGOq
— Cricinfo (@cricinfo) August 3, 2026
आपल्यावरील आरोपांचे खंडन करताना शशांक म्हणाला, “माझ्यावर आरोप केला गेला की मला फक्त आयपीएल खेळायचे आहे आणि मी देशांतर्गत क्रिकेटकडे दुर्लक्ष करतो. पण सत्य हे आहे की, बीसीसीआयने (BCCI) मला २०२३-२४ च्या मर्यादित षटकांच्या हंगामातील सर्वोत्कृष्ट अष्टपैलू खेळाडू म्हणून ‘लाला अमरनाथ पुरस्कारा’ने सन्मानित केले होते.”
दरम्यान, छत्तीसगड क्रिकेट असोसिएशनच्या अधिकाऱ्याने शशांकने एनओसी मागितली होती आणि ती दिली असल्याचे स्पष्ट करत या वादावर अधिक भाष्य करण्यास नकार दिला आहे. शशांक सिंग आता रेड बॉल क्रिकेटमधून ब्रेक घेऊन फक्त व्हाईट बॉल क्रिकेटवर (टी-२० आणि वनडे) लक्ष केंद्रित करणार असून, आपली गोलंदाजी सुधारण्याचा प्रयत्न करणार आहे.
