chhatrapati shivaji maharaj smarak – पंतप्रधान नरेंद्र मोदी यांनी 24 डिसेंबर 2016 रोजी शिवस्मारकाच्या “जलपूजनाचा” सोहळा मोठ्या दिमाखात पार पाडला. मात्र, 8 वर्षे उलटूनही मुंबईतील शिवस्मारकाचे काम अद्याप सुरू झाले नाही.

हा फक्त शिवरायांचा नाही, तर महाराष्ट्राच्या अस्मितेचा देखील अपमान आहे. शिवरायांचे स्मारक हे महाराष्ट्राच्या अभिमानाचे प्रतिक आहे. त्यामुळे या विरोधात उद्या राष्ट्रवादी काँग्रेस शरदचंद्र पवार पक्षातर्फे अस्मिता जागृती आंदोलन करण्यात येणार आहे.

शरद पवार गटाचे प्रवक्ते तथा राष्ट्रवादी युवक काँग्रेसचे मुंबई अध्यक्ष अँड. अमोल मातेले यांच्या नेतृत्वाखाली 24 डिसेंबर सकाळी 10.30 वा. छत्रपती शिवाजी महाराज टर्मिनल, बृहन्मुंबई महानगरपालिकेच्या मुख्यालयासमोर, सेल्फी पॉईंट हे आंदोलन करण्यात येणार आहे.