Sharad Pawar – उपमुख्यमंत्री अजित पवार यांच्या निधनानंतरचा पाचवा दिवस..! रविवारी सकाळीच बारामती सोडून मुंबईला जाण्यापूर्वी शरद पवार व प्रतिभा पवार बारामतीतील विद्या प्रतिष्ठानच्या दिशेने म्हणजे जिथे अजित पवारांचे अंत्यसंस्कार केले, त्या ठिकाणी पोहोचले. तिथे पोहोचल्यावर त्यांनी अंत्यस्थळाकडे नजर टाकली आणि दोघेही स्तब्ध झाले. यावेळी आपला पुतण्या अजित पवार यांच्या आठवणींनी ते अत्यंत भावूक झाले. यावेळी त्यांनी विद्या प्रतिष्ठानचे विश्वस्त किरण गुजर यांच्याशी अजित पवारांच्या स्मृतीस्थळासंदर्भात चर्चा केली.रविवारी सकाळी मुंबईला निघण्यापूर्वी शरद पवारांनी अचानक अजित पवार यांच्यावर अंत्यसंस्कार झालेल्या अंत्यस्थळाला भेट दिली. येथे पोहोचल्यानंतर त्यांनी अंत्यस्थळाकडे नजर टाकली आणि त्यावेळी दोघेही भावूक झाल्याचे पाहायला मिळाले. याचवेळी त्यांनी विद्यापीठांचे विश्वस्त किरण गुजर यांच्याशी चर्चा केली. यानंतर काही वेळातच शरद पवार हे मार्गस्थ झाले. बारामतीत अजित पवारांचं भव्य स्मारक होणार किरण गुजर यांनी बोलताना सांगितलं की, ‘अजित दादांचे स्मारक भव्यदिव्य व्हावं, अशी शरद पवार साहेबांची इच्छा आहे. आज अंत्यस्थळी आल्यानंतर दोघेही भावूक झाल्याचे पाहायला मिळाले’. गुजर पुढे म्हणाले की, ‘बारामतीत अनेक इमारती वेगवेगळ्या संकल्पनेतून झालेल्या आहेत. वेगवेगळ्या दृष्टिकोनातून झालेल्या आहेत. अजित पवारांची नियोजित स्मृतीस्थळ देखील अतिशय भव्यदिव्य व्हावे. अशा स्वरूपाने बारामतीसह राज्यभरातील विविध वास्तू विश्वस्तांकडे चर्चा करून व त्यांच्याकडून आलेख घेऊन अत्यंत चांगल्या प्रकारचे स्मृतिस्थळ करण्याची आमच्या सर्वांची इच्छा आहे आणि त्यानुसार हे काम होईल. त्याचीच चर्चा शरद पवार व प्रतिभा काकी यांनी केली’ असं किरण गुजर यांनी सांगितले.
