मुंबई – शाहरुख खानचा ‘पठाण’ चित्रपट सध्या तुफान कमाई करून चित्रपटगृहांमध्ये धुमाकूळ घालत आहे. तब्बल चार वर्षांनंतर मोठ्या पडद्यावर कमबॅक करणाऱ्या शाहरुखचे देशातीलच नाही तर विदेशातील फॅन्स कौतुक करत आहेत. अशाच शाहरुखच्या एका जबरा फॅनची सोशल मीडियावर जोरदार चर्चा आहे. कारणही तसंच आहे हा विदेशी फॅन आपल्या संपूर्ण कुटुंबाला घेऊन भारतात आला तेही केवळ पठाण चित्रपट पाहण्यासाठी.

शाहरुख खानचा एक चाहता ‘पठाण’ पाहण्यासाठी आपल्या संपूर्ण कुटुंबासह बांगलादेशच्या ढाका शहरातून भारतातील त्रिपुराला पोहोचला. याबाबत थिएटर मालकाने स्वतः ट्विट करून माहिती दिली आहे. ते आपल्या ट्विटरवर लिहितात, ‘हे खूप भारी आहे. पठाणला पाहण्यासाठी संपूर्ण कुटुंबासह बांगलादेशातून लोक भारतात येत आहेत”. अशी माहिती त्यांनी यावेळी दिली. ट्विट करणारे सतदिप सहा हे आगरतळा येथील थिएटरचे मालक आहेत.

This is something great 👍 people travelling from Bangladesh to India to watch Pathaan !! Thank you so much for visiting Rupasi Cinema,Agartala Tripura !! 🙏🙏 @iamsrk @BeingSalmanKhan @deepikapadukone @TheJohnAbraham @yrf pic.twitter.com/IiCFMXBeI9

— Satadeep Saha (@satadeeps) January 31, 2023

‘पठाण’ रिलीज झाल्यानंतर चाहत्यांमध्ये रोज नवनवीन क्रेझ पाहायला मिळत आहे. या क्रेझचा परिणाम म्हणजे शाहरुख खान स्टारर चित्रपट बॉक्स ऑफिसवर दररोज नवनवे रेकॉर्ड बनवत आहे. ‘बाहुबली’ ते ‘केजीएफ’चे रेकॉर्ड मोडीत काढत ‘पठाण’ने 10 दिवसांत 379.18 कोटींचा व्यवसाय केला आहे. यासोबतच विदेशातही हा चित्रपट धुमाकूळ घालत आहे. चित्रपटाच्या वर्ल्डवाईड कलेक्शनबाबत बोलायचे तर चित्रपटाने तब्बल आठशे कोटींहून अधिक कमाई केली आहे.