Sonia Gandhi  – काँग्रेसच्या माजी अध्यक्षा सोनिया गांधी सध्या दिल्लीच्या प्रदूषणाने त्रस्त आहेत. त्यामुळे डॉक्टरांनी त्यांना काही दिवस जयपूरमध्ये राहण्यास सांगितले आहे. खरं तर, राजधानी दिल्लीतील प्रदूषणाची स्थिती वाढली आहे, अनेक ठिकाणी AQI गंभीर श्रेणीत पोहोचला आहे. अशात सोनिया गांधींना श्वास घेण्यास त्रास होत आहे, त्यामुळे डॉक्टरांनी त्यांना काही दिवस अशा ठिकाणी जाण्यास सांगितले आहे जिथे हवेची गुणवत्ता चांगली आहे.

मिळलेल्या माहितीनुसार, सोनिया गांधी आता जयपूरला जाणार असल्याचे सांगण्यात येत आहे. पिंक सिटी हे काही दिवसांसाठी त्यांचे नवीन ठिकाण असणार आहे कारण तेथील हवेची गुणवत्ता चांगली आहे. अशात, काँग्रेस नेते राहुल गांधीही आईला भेटायला जाऊ शकतात. प्रदूषणामुळे सोनिया गांधींना दिल्लीपासून दूर जाण्याची ही पहिलीच वेळ नाही.

खरे तर 2020 मध्ये दिल्लीत प्रदूषण वाढले असताना सोनिया गांधी डॉक्टरांच्या सल्ल्याने काही दिवसांसाठी गोव्याला गेल्या होत्या. सोनिया गांधी यांची प्रकृती गेल्या काही वर्षांपासून फारशी ठीक नाही, त्या राजकारणात पूर्वीसारख्या सक्रिय असल्याचंही दिसत नाही. काही निवडणूक रॅलींमध्ये  सोनिया गांधी काँग्रेसचा प्रचार नक्कीच करतात, पण त्या सक्रिय आता दिसत नाही.

दरम्यान, सध्या प्रत्येक मोठे निर्णय आणि निवडणुकीच्या रणनीतीवर विचारमंथनही खरगे यांच्याकडूनच केले जात आहे. अशा स्थितीत सोनिया गांधी सध्या काँग्रेसला पालक म्हणून मार्गदर्शन करत आहे.