Maharashtra Politics : बुलढाणा जिल्ह्यातील राजकीय वर्तुळात सध्या मोठी चर्चा रंगली आहे. राष्ट्रवादी काँग्रेस (शरद पवार गट)चे ज्येष्ठ नेते आणि माजी मंत्री डॉ. राजेंद्र शिंगणे हे भाजपमध्ये प्रवेश करणार असल्याच्या चर्चांना उधाण आले आहे. गेल्या तीन दिवसांपासून ते मुख्यमंत्री देवेंद्र फडणवीस यांच्या भेटीच्या प्रतीक्षेत असल्याची माहिती समोर आल्याने या चर्चांना अधिक बळ मिळाले आहे. (Maharashtra Politics)

शिंगणे यांच्या निकटवर्तीयांनी दिलेल्या माहितीनुसार, बुलढाणा जिल्हा मध्यवर्ती सहकारी बँकेसंदर्भातील काही महत्त्वाच्या विषयांवर चर्चा करण्यासाठी ते मुख्यमंत्री फडणवीस यांची भेट घेण्याचा प्रयत्न करत आहेत. मात्र, या भेटीमुळे त्यांच्या संभाव्य पक्षांतराच्या चर्चांनाही वेग आला आहे. (Maharashtra Politics)

दरम्यान, माध्यमांशी बोलताना राजेंद्र शिंगणे यांनी भाजप प्रवेशाच्या चर्चेवर थेट भाष्य टाळले. “मी मंत्री आकाश फुंडकर यांच्या माध्यमातून मुख्यमंत्र्यांची भेट घेण्याचा प्रयत्न करत आहे. जिल्हा सहकारी बँकेच्या काही कामांसंदर्भात त्यांना निवेदन द्यायचे आहे. माझं जसं सुरू आहे, तसंच सुरू आहे,” असे ते म्हणाले. (Maharashtra Politics)

सिंदखेडराजा मतदारसंघातून पाच वेळा आमदार राहिलेले राजेंद्र शिंगणे हे बुलढाणा जिल्ह्यातील प्रभावी नेत्यांपैकी एक मानले जातात. सहकार क्षेत्रातील मजबूत पकड, शेतकरी प्रश्नांवरील भूमिका आणि दीर्घ राजकीय अनुभवामुळे त्यांचे जिल्ह्यात मोठे राजकीय वजन आहे. (Maharashtra Politics)

राज्यमंत्री आणि कॅबिनेट मंत्री म्हणून त्यांनी आरोग्य, महसूल, क्रीडा, माहिती व जनसंपर्क तसेच अन्न व औषध प्रशासन यांसारखी महत्त्वाची खाती सांभाळली आहेत. 2024 च्या विधानसभा निवडणुकीत त्यांचा पराभव झाला असला तरी जिल्ह्यातील राजकारणात त्यांचा प्रभाव कायम आहे. (Maharashtra Politics)

Sharad Pawar : राजकीय वर्तुळात प्रचंड खळबळ.! शरद पवारांचा पुन्हा बसणार मोठा धक्का; ५ खासदार सोडणार साथ