जयपूर – भारताचे माजी परराष्ट्र सचिव आणि चीनमधील राजदूत विजय गोखले, माजी परराष्ट्र सचिव श्‍याम सरन, परराष्ट्र धोरणतज्ञ सुहासिनी हैदर आणि पत्रकार मनोज जोशी या परराष्ट्र धोरण क्षेत्रातील नामांकितांच्या सहभागात, भारत-चीन सीमावादावर जयपूर लिटरेचर फेस्टीवलमध्ये एक चर्चासत्र होणार असून, यामध्ये या समस्येचा इतिहास, भौगोलिक वस्तुस्थिती आणि सामरिक महत्त्व अशा विषयांवर चर्चा होणार आहे.

Delhi Mayor election : महापौरपदासाठी AAP चे दोन अर्ज तर भाजपने मात्र ….

पृथ्वीवरील सर्वोत्तम साहित्य सोहळा अशी ओळख असलेल्या जयपूर लिटरेचर फेस्टीवल येत्या जानेवारी महिन्यात 19 ये 23 दरम्यान भरणार आहे. पाच दिवसांच्या या संमेलनात 35 देशांमधील आणि 25 विविध भाषांमधील साहित्यिक आणि वर्ष 2022 चे नोबेल साहित्य विजेते अब्दुल रजाक गुरनाह उपस्थित राहणार आहेत.

भारत-चीन सीमेबाबत अनेक प्रश्‍न गेली अनेक वर्षे प्रलंबित असून निराकरण न झालेल्या प्रत्यक ताबा रेषेवरील (एलएसी) वाढत्या तणावावर आणि त्या प्रदेशासाठी नक्की काय उपाय आहे यावर हे तज्ञ चर्चा करतील. दुसऱ्या सत्रात, श्‍याम सरन हे भारतासाठीचे संयुक्त राष्ट्रांचे निवासी समन्वयक शोम्बी शार्प यांच्याशी सीमावादातील आंतरराष्ट्रीय धागेदोरे याविषयी चर्चा करतील. तसेच या प्रश्‍नावर ग्रंथलेखन केलेले शेरिंग ताशी भारत आणि भूतानमधील युरोपियन युनियनचे राजदूत उगो अस्तुटो; निवृत्त परराष्ट्र व्यवहार मंत्रालयातील अधिकारी आणि राजदूत लक्ष्मी पुरी यांच्यात सीमावादातील आंतरिक संघर्ष यावर चर्चा होईल.

चीन आणि भारत शतकानुशतके जगातील दोन महान आर्थिक शक्ती आहेत आणि 21 व्या शतकात त्यांचा संयुक्त महासत्ता परत येण्याची शक्‍यता आहे. परंतु त्यांचा इतिहास आणि सभ्यता पारंपारिकपणे एकमेकांशी घट्ट गुंफलेली असताना, आज ते एकमेकांसाठी जवळजवळ अनोळखी आहेत, त्यांचे संबंध गैरसमज आणि लष्करी तणावाने ग्रस्त आहेत. चीनचे भारतातील तीन प्रतिष्ठित निरीक्षक तानसेन सेन (शिक्षण); अरुणाचल प्रदेशचे माजी राज्यपाल जेजे सिंग आणि श्‍याम सरन हे इतिहासकार विल्यम डॅलरिंपल यांच्यासमवेत चर्चा करतील.