Huma Qureshi : काल दिल्लीतील जंतर मंतर ते संसद भवनाकडे जाणाऱ्या रस्त्यावर हजारोंच्या संख्येने तरुण उतरल्याचे बघायला मिळाले. तरुणांनी व्यवस्थेविरोधात पुकारलेला लढ्याचे मनोरंजन विश्वातील अनेक कलाकारांनी समर्थन देत पाठिंबा जाहीर केला आहे. ज्येष्ठ अभिनेत्री शबाना आझमी, अभिनेते प्रकाश राज हे तर आंदोलनात सहभागी झाले होते.

हजारेंच्या संख्येने तरुणांनी संसद भवनाकडे धाव घेतल्याने मोठा तणाव निर्माण झाला होता. परिस्थिती हाताबाहेर जाऊ नये म्हणून पोलिसांनी बळाचा वापर करत थेट आंदोलनकर्त्यांवर लाठीचार्ज आणि अश्रू धुराच्या नळकांड्या डागल्या. या घटनेवर बॅालिवूड अभिनेत्री हुमा कुरेशी हिने सोशल मीडियावर पोस्ट लिहून संताप व्यक्त केला आहे.  (Huma Qureshi )

 

View this post on Instagram

 

A post shared by Huma Qureshi (@iamhumaq)

“आजची दृश्ये माझ्या मनात खूप काळापर्यंत राहतील. शांततापूर्ण आंदोलकांना अशा क्रूर बळाचा आणि लाठ्यांचा सामना करताना पाहून मला खूप दु:ख झालं.” असे हुमाने पोस्टमध्ये म्हटलं आहे. “आपलं म्हणणं मांडण्याचा हक्क आहे. शांततेनं उभं राहिलेल्या प्रत्येक विद्यार्थ्याला आणि नागरिकाला आदर द्या.” अशा शब्दांत हुमा कुरेशीने आंदोलन कर्त्यांवर झालेल्या लाठीचार्जचा निषेध नोंदवला.

नेमकं काय म्हणाली हुमा कुरेशी?  (Huma Qureshi )

“आजचं दृश्य माझ्या मनात खूप काळ कायम राहील. शांततेच्या मार्गाने आंदोलन करणाऱ्या विद्यार्थ्यांवर आणि नागरिकांवर लाठीचार्ज होताना पाहून मन हेलावून गेलं. ही परिस्थिती अधिक संयमाने, त्यांचं म्हणणं ऐकून आणि संवादातून हाताळता आली असती.” अशा शब्दांत अभिनेत्री हुमा कुरेशीने आपली भावना व्यक्त केली.

पुढे ती म्हणाली, “भारताच्या जनतेने या सरकारला निवडून दिलं आहे. त्यामुळे आज प्रत्येक नागरिकाने प्रश्न विचारण्याची गरज आहे. आपण विविधतेने नटलेला देश आहोत. प्रत्येक मुद्द्यावर सर्वांचं एकमत होईलच असं नाही, पण प्रत्येक नागरिकाला सन्मानाने आपलं मत मांडण्याचा अधिकार आहे, यावर आपण नक्कीच सहमत होऊ शकतो. बळाचा वापर करण्यापूर्वी संवादाला प्राधान्य द्यायला हवं. शांततेने आंदोलन करणाऱ्या प्रत्येक विद्यार्थ्याचा आणि नागरिकाचा सन्मान केला गेला पाहिजे.”

Riteish and Genelia : “हे तरुणच आपल्या राष्ट्राच्या भविष्याचे खरे शिल्पकार….”; रितेश-जिनेलियाचा विद्यार्थ्यांच्या आंदोलनाला पाठींबा