Satwiksairaj Chirag Shetty Enter China Masters Semifinal Kidambi Srikanth Knocked Out : भारताची स्टार बॅडमिंटन जोडी सात्विकसाईराज रंकीरेड्डी आणि चिराग शेट्टी (Satwik-Chirag) यांनी चायना मास्टर्स सुपर-७५० बॅडमिंटन स्पर्धेत आपली विजयी घोडदौड कायम ठेवत उपांत्य फेरीत (Semifinal) दिमाखात प्रवेश केला आहे. शुक्रवारी झालेल्या पुरुषांच्या दुहेरीतील अत्यंत अटीतटीच्या उपांत्यपूर्व फेरीत चौथ्या मानांकित भारतीय जोडीने डेन्मार्कच्या किम ॲस्ट्रुप आणि अँडर्स स्कारुप रासमुसेन या कडव्या जोडीला २१-१३, १६-२१, २१-१८ अशा तीन गेमच्या लढतीत धूळ चारली.

पहिल्या गेममध्ये एकतर्फी वर्चस्व; दुसऱ्या गेममध्ये डॅनिश जोडीचा पलटवार –

सात्विक आणि चिरागने सामन्याची आक्रमक सुरुवात करत सुरुवातीलाच ५-१ अशी आघाडी घेतली. जोरदार स्मॅश आणि वेगवान रॅलींच्या जोरावर त्यांनी १६-९ अशी भक्कम आघाडी घेत पहिला गेम २१-१३ ने सहज जिंकला. मात्र, दुसऱ्या गेममध्ये डेन्मार्कच्या जोडीने जबरदस्त पुनरागमन केले. १५-१५ अशा बरोबरीनंतर प्रतिस्पर्ध्यांनी लागोपाठ गुण घेत हा गेम २१-१६ असा खिशात घालत सामना १-१ अशा बरोबरीत आणला.

निर्णायक तिसऱ्या गेममध्ये थरार; अखेरच्या क्षणी सात्विक-चिरागने मारली बाजी!

Satwik-Chirag storm into the China Masters semifinals!

India’s Satwiksairaj Rankireddy & Chirag Shetty beat Denmark’s Kim Astrup & Anders Skaarup Rasmussen 21-13, 16-21, 21-18 in a thrilling quarterfinal. The duo reaches the China Masters semifinals for the fourth straight… pic.twitter.com/PK9nECuWdq

— DD News (@DDNewslive) September 4, 2026

तिसरा आणि निर्णायक गेम श्वास रोखून धरणारा ठरला. १७-१७ अशा बरोबरीच्या नाजूक क्षणी सात्विक आणि चिरागने उत्कृष्ट संयम आणि आक्रमकतेचा मेळ साधला. दबावाखाली सलग तीन महत्त्वाचे गुण मिळवत भारतीय जोडीने २०-१७ अशी आघाडी घेतली. त्यानंतर ७० मिनिटे रंगलेल्या या सामन्यात २१-१८ असा विजय नोंदवून उपांत्य फेरीचे तिकीट पक्के केले.

हेही वाचा – Smriti Mandhana Nickname : “बाबा शाळेत यायचे अन् सर्वांसमोर म्हणायचे…”, स्मृती मानधनाने पहिल्यांदाच सांगितलं स्वत:च टोपणनाव, पाहा VIDEO

किदाम्बी श्रीकांतचा पराभव; चायना मास्टर्समधील आव्हान संपुष्टात –

Satwik/Chirag STORM INTO SEMIS of China Masters (Super 750) pic.twitter.com/gCXkzMkhYe

— Three Courts (@threecourts) September 4, 2026

दुसरीकडे, भारताचा अनुभवी बॅडमिंटनपटू किदाम्बी श्रीकांतचे एकेरीतील आव्हान उपांत्यपूर्व फेरीतच संपुष्टात आले. ३३ वर्षीय श्रीकांतला हाँगकाँगच्या ली चेक यियूकडून अवघ्या ३९ मिनिटांत १६-२१, १६-२१ अशा सरळ गेममध्ये पराभवाचा सामना करावा लागला. आधीच्या फेरीत जागतिक क्रमवारीत नवव्या स्थानी असलेल्या व्हिक्टर लाईला नमवणाऱ्या श्रीकांतला ली चेकविरुद्ध सुरुवातीची लय टिकवता आली नाही.