Satara News : राज्यातील पर्यटन क्षेत्राला जागतिक व्यासपीठावर (Satara News) नेण्यासाठी डीजिटल माध्यमांचा प्रभावी वापर करत सर्वसमावेशक ‘ब्रँडिंग आणि मार्केटिंग प्लॅन’ राबविण्यात येणार असल्याची माहिती पर्यटन मंत्री शंभूराज देसाई यांनी दिली. यामुळे महाराष्ट्राच्या (Satara News) पर्यटनाला ‘ग्लोबल टच’ मिळणार असून आंतरराष्ट्रीय पर्यटकांना आकर्षित करण्यावर विशेष भर दिला जाणार आहे, असे त्यांनी सांगितले. मंत्रालयातील सह्याद्री अतिथिगृहात पर्यटन विभागाच्या मीडिया प्लॅनसंदर्भात आयोजित बैठकीत ते बोलत होते. बैठकीस पर्यटन प्रधान सचिव संजय खंदारे, संचालक डॉ. बी. एन. पाटील, महाराष्ट्र पर्यटन विकास महामंडळाचे व्यवस्थापकीय संचालक नीलेश गटणे, उपसचिव संतोष रोकडे, महाव्यवस्थापक चंद्रशेखर जयस्वाल, सहसंचालक संतोष जाधव उपस्थित होते. बदलत्या काळानुसार पर्यटन क्षेत्रात डीजिटल माध्यमांचे महत्त्व झपाट्याने वाढत आहे. त्यामुळे सोशल मीडिया, ऑनलाइन कॅम्पेन, व्हिडिओ कंटेंट, पर्यटन पोर्टल्स आणि डीजिटल जाहिरातींमधून महाराष्ट्रातील पर्यटन स्थळांची माहिती जगभर पोहोचविण्याचा मानस आहे, असे मंत्री शंभूराज देसाई यांनी स्पष्ट केले. Patan Panchayat Samiti राज्यातील गड- किल्ले, ऐतिहासिक वारसा, समुद्रकिनारे, धार्मिक स्थळे, आरोग्य पर्यटन, वनपर्यटन, खाद्यसंस्कृती आणि लोकसंस्कृती या सर्व घटकांचा समन्वय साधून ‘ब्रँड महाराष्ट्र’ अधिक प्रभावीपणे सादर केला जाणार आहे. प्रत्येक पर्यटन स्थळाची वैशिष्ट्ये आणि अनुभवात्मक बाजू अधोरेखित करत जागतिक पर्यटकांना आकर्षित करण्यासाठी ‘स्टोरी टेलिंग’ पद्धतीचा अवलंब करण्यात येणार आहे. २०२६-२७ या आर्थिक वर्षात नियोजित तरतुदीतून हा आराखडा राबविण्यात येणार असून देशांतर्गत तसेच आंतरराष्ट्रीय स्तरावर महाराष्ट्र पर्यटनाची ओळख अधिक बळकट करण्याचा प्रयत्न केला जाणार आहे. यामुळे पर्यटन क्षेत्रात गुंतवणूक वाढून रोजगारनिर्मितीला चालना मिळेल, असा विश्वास यावेळी व्यक्त करण्यात आला. आगामी काळासाठी (Satara News) दीर्घकालीन आणि परिणामकारक मीडिया प्लॅन तयार करून महाराष्ट्र पर्यटनाला सातत्याने जागतिक स्तरावर स्पर्धात्मक बनविण्याचे निर्देश मंत्री देसाई यांनी अधिकाऱ्यांना दिले.
