महाबळेश्वर : महाबळेश्वर येथील महापर्यटन उत्सवात कार्निवल परेड मोठ्या उत्साहात संपन्न झाली. रंगीबेरंगी सजावट आणि असंख्य पर्यटकांच्या उपस्थितीत ही परेड लक्षवेधी ठरली. पालकमंत्री शंभूराज देसाई यांनी छत्रपती शिवाजी महाराज आणि दुर्गा देवी मंदिरात अभिवादन करून परेडला सुरुवात केली. परेडमध्ये पर्यटन विकास महामंडळाचे संचालक मनोजकुमार सूर्यवंशी, जिल्हाधिकारी संतोष पाटील, पर्यटन विभागाचे संचालक बी. एन. पाटील, श्रीमती विजयादेवी देसाई, सौ. स्मितादेवी देसाई, यशराज देसाई, रविराज देसाई, प्रांताधिकारी राजेंद्र कचरे, तहसीलदार तेजस्विनी पाटील आणि ब्रँड अँबेसिडर मृणाल कुलकर्णी यांच्यासह अनेक कलाकार आणि पर्यटक सहभागी झाले. महाराष्ट्राच्या सांस्कृतिक वैभवाचे दर्शन घडवणाऱ्या नाशिक ढोल, लेझीम, वारकरी संप्रदाय आणि हलगीच्या तालात परेडने वातावरण उत्साहपूर्ण केले. छत्रपती शिवाजी महाराज आणि मावळ्यांच्या वेशभूषेतील पथक तसेच मास्कोट घातलेल्या कलाकारांनी सर्वांचे लक्ष वेधले. पालकमंत्री देसाई यांनी परेडदरम्यान लोक, व्यापारी आणि पर्यटकांशी संवाद साधला. ठिकठिकाणी रांगोळ्यांनी परेडचे स्वागत झाले. ही अनोखी कार्निवल परेड महाबळेश्वरच्या स्मृतीत कायम राहील. छत्रपती शिवाजी महाराज आणि मावळे यांच्या वेशभूषेतील पथकाने लोकांचे लक्ष वेधून घेतले. याबरोबरच मास्कोट घातलेले कलाकार यांनाही लोकांनी दाद दिली. या संपूर्ण परेडमध्ये पालकमंत्री शंभूराज देसाई ठिकठिकाणी लोकांशी, व्यापाऱ्यांची, पर्यटकांशी संवाद साधत होते. ठीक ठिकाणी रांगोळ्या काढून या परेडचे स्वागत करण्यात आले.
