Pune News : पांगारे खून प्रकरणाचा ७ तासांत छडा; शिरवळच्या डोंगराळ भागातून आरोपीला अटक
Pune News : पुरंदर तालुक्यातील पांगारे येथे घडलेल्या खुनाच्या गंभीर गुन्ह्याचा सासवड पोलीस आणि स्थानिक गुन्हे शाखेच्या (LCB) संयुक्त पथकाने अवघ्या सात तासांत छडा लावत संशयित आरोपीला अटक केली आहे.

Pune News : पुरंदर तालुक्यातील पांगारे येथे घडलेल्या खून प्रकरणात सासवड पोलिसांनी वेगवान तपास करत अवघ्या सात तासांत संशयित आरोपीला अटक केली. सासवड पोलीस स्टेशन आणि स्थानिक गुन्हे शाखेच्या संयुक्त पथकाने ही कारवाई केली. (Pune News)
सासवड पोलीस स्टेशनच्या हद्दीतील मौजे पांगारे येथे १९ नोव्हेंबर २०२६ रोजी खुनाची गंभीर घटना घडली होती. या प्रकरणी सासवड पोलीस स्टेशनमध्ये गुन्हा रजिस्टर क्रमांक ५८२/२०२६ अन्वये भारतीय न्याय संहिता कलम १०३ आणि ३(५) अंतर्गत गुन्हा दाखल करण्यात आला होता. (Pune News)
गुन्ह्याचे गांभीर्य लक्षात घेऊन पोलीस निरीक्षक संतोष घोळवे यांनी गुन्हेशोध पथकाला आरोपीचा तातडीने शोध घेण्याच्या सूचना दिल्या. त्यानुसार पोलिसांनी घटनास्थळ आणि परिसरातील सीसीटीव्ही फुटेज तपासले. तसेच तांत्रिक माहिती आणि गोपनीय माहितीच्या आधारे आरोपीचा माग काढण्यास सुरुवात केली. (Pune News)
तपासादरम्यान आरोपीने घटनास्थळावरून चारचाकी वाहनाने पलायन केल्याचे समोर आले. पोलिसांनी विविध ठिकाणी शोधमोहीम राबवली. आरोपीने सातारा जिल्ह्यातील शिरवळ परिसरात वाहन सोडून डोंगराळ भागातून पळ काढल्याची माहिती मिळाली. (Pune News)
यानंतर सासवड पोलीस स्टेशन आणि स्थानिक गुन्हे शाखेच्या संयुक्त पथकाने डोंगराळ परिसरात शोधमोहीम राबवली. अखेर संशयित आरोपी शशिकांत माणिकराव काकडे (रा. बिबवेवाडी, पुणे) याला ताब्यात घेण्यात आले. पोलिसांच्या माहितीनुसार, चौकशीदरम्यान त्याने गुन्ह्याची कबुली दिली. गुन्हा घडल्यानंतर अवघ्या सात तासांत त्याला अटक करण्यात पोलिसांना यश आले. (Pune News)
ही कारवाई पोलीस अधीक्षक संदीपसिंह गिल, अपर पोलीस अधीक्षक शुभम कुमार, अपर पोलीस अधीक्षक (बारामती विभाग) गणेश बिरादार आणि उपविभागीय पोलीस अधिकारी (भोर विभाग) राजेंद्रसिंह गौर यांच्या मार्गदर्शनाखाली करण्यात आली. (Pune News)
या पथकात पोलीस निरीक्षक संतोष घोळवे, सहाय्यक पोलीस निरीक्षक शंकर राजपूत, सहाय्यक पोलीस निरीक्षक वैभव सोनवणे, स्थानिक गुन्हे शाखेचे पोलीस उपनिरीक्षक युवराज धोंडे, सहाय्यक पोलीस निरीक्षक शंकर राऊत, पोलीस हवालदार दत्तात्रय काळे, प्रवीण शेंडे, तुषार लोंढे, प्रणय मखरे, अक्षय चिले, गणेश सोनवणे, विशाल जाधव यांच्यासह सासवड पोलीस स्टेशन आणि स्थानिक गुन्हे शाखेचे अधिकारी व अंमलदार सहभागी होते. (Pune News)
या गुन्ह्याचा पुढील तपास सहाय्यक पोलीस निरीक्षक वैभव सोनवणे करीत आहेत. (Pune News)





