Sarfaraz Khan Emotional Statement On Being Dropped From Team India : भारतीय कसोटी संघातून सातत्याने बाहेर ठेवले जात असल्याने मुंबईचा मधल्या फळीतील आक्रमक फलंदाज सर्फराझ खानचे दुःख पुन्हा एकदा उफाळून आले आहे. संघात संधी मिळत नसल्यामुळे दररोज सकाळी उठून कठोर सरावासाठी स्वतःला प्रवृत्त करणे आता अत्यंत आव्हानात्मक बनल्याची कबुली त्याने दिली आहे. आपल्या संपूर्ण कारकिर्दीत कोणाचाही वरदहस्त किंवा पाठिंबा मिळाला नसून, केवळ वडील नौशाद खान यांच्या अफाट कष्टांचे पांग फेडण्यासाठीच आपण क्रिकेट खेळत असल्याचे सर्फराझने स्पष्ट केले.

नोव्हेंबर २०२४ मध्ये खेळला शेवटचा सामना; शतकानंतरही डावलले

सर्फराझने भारतासाठी आपला अखेरचा आंतरराष्ट्रीय सामना नोव्हेंबर २०२४ मध्ये न्यूझीलंडविरुद्ध घरच्या मैदानावर खेळला होता. त्या मालिकेतील दुसऱ्या कसोटीत त्याने १५० धावांची अविस्मरणीय खेळी करत कारकिर्दीतील पहिले कसोटी शतक ठोकले होते. तरीही ऑस्ट्रेलिया दौऱ्यावर त्याला प्लेइंग इलेव्हनमध्ये खेळण्याची संधी न देता थेट बाहेरचा रस्ता दाखवण्यात आला. त्यानंतर श्रीलंका दौऱ्यावर दुखापतग्रस्त खेळाडूचा पर्याय म्हणून बोलावूनही त्याला केवळ बेंचवरच बसवून ठेवण्यात आले.

‘दररोज सकाळी स्वतःलाच विचारतो सवाल’; व्यक्त केल्या भावना

🚨 SARFRAZ KHAN ANGRY STATEMENT ON SELECTORS 🚨

“I wake up every morning and ask myself the same question. Why should I work harder and undergo the same thing again and again. I have played for India. I wake up at 5 am in the morning and go to practice”.

Sarfraz Khan best domestic performer but no place in team India squad, he lost the weight of 15 kg. Improve his fitness.

— VIKAS (@Vikas662005) November 2, 2026

द इंडियन एक्सप्रेसला दिलेल्या एका मुलाखतीदरम्यान सर्फराझ म्हणाला, “मी दररोज सकाळी उठतो आणि स्वतःलाच प्रश्न विचारतो की मी आणखी जास्त मेहनत का करावी? आणि पुन्हा पुन्हा त्याच कठीण मानसिक टप्प्यातून का जावे? पण जेव्हा मी माझ्या वडिलांना माझ्यासाठी अतोनात मेहनत करताना पाहतो, तेव्हा मला फक्त त्यांच्यासाठी धावा करायच्या असतात. हीच एकमेव गोष्ट मला आज मैदानावर टिकून राहण्याची प्रेरणा देते.”

तंत्रावर प्रश्न उपस्थित करणाऱ्यांना दिले सडेतोड उत्तर –

विदेशी खेळपट्ट्यांवर तंत्रावर उपस्थित होणाऱ्या प्रश्नांवर त्याने रोखठोक प्रत्युत्तर दिले. दक्षिण आफ्रिकेत अवघ्या ६१ चेंडूंत ठोकलेले शतक आणि इंट्रा-स्कॉड सामन्यातील ७६ चेंडूंतील १०१ धावांची आठवण करून देत त्याने आपले कौशल्य सिद्ध केले. निवड समितीशी झालेल्या संवादाबाबत सांगताना तो म्हणाला की, श्रीलंका दौऱ्यादरम्यान त्याला केवळ भारतीय उपखंडातील परिस्थितीमध्ये अधिक संधी देण्याचे आश्वासन देण्यात आले होते.

हेही वाचा – IPL Retention Deadline : IPL फ्रँचायझींना BCCI चा मोठा दिलासा! खेळाडू रिटेन करण्याची तारीख अचानक बदलली; पाहा नवी डेडलाईन

‘माझा कोणताही गॉडफादर नाही, फक्त वडिलांसाठी खेळणार’

🚨Why should I work hard? – Sarfaraz Khan shares frustration after waiting for his Indian recall🤯

Sarfaraz khan said :🗣️

“So much has happened. I am not thinking much. I wake up every morning and ask myself the same question: ‘Why should I work hard?’ The same routine starts at 5:00 am every morning. I have played for India. Even with a normal routine, I can play in the Ranji Trophy for Mumbai because I have been scoring those 30s, 50s and 100s. But sometimes, the question pops up, and when I see my father working hard, then I think, ‘Okay, I will go out there and score for him.’ I have the same routine. Everyone knows that if you want to meet Sarfaraz Khan, you don’t have to come to his home address. You can meet him either at Azad Maidan or Cross Maidan at 6:00 am”.

— Akshat (@Cricketmythos) November 2, 2026

आपल्या खडतर संघर्षाचा पाढा वाचताना सर्फराझ शेवटी म्हणाला, “माझ्या आयुष्यात कोणीही गॉडफादर नाही, हे संपूर्ण जगाला ठाऊक आहे. जर मला कोणाची साथ लाभली असेल तर ती केवळ माझ्या वडिलांची. आज भारतीय संघात स्थान मिळवणे सोपे नाही; मी एक-दोनदा धावा करून संघात आलो नव्हतो, तर ३००, २५० आणि २०० धावांचे डोंगर उभे करून आलो होतो. जोपर्यंत शक्य आहे, तोपर्यंत मी माझ्या वडिलांचे स्वप्न पूर्ण करण्यासाठी मैदानात घाम गाळत राहीन.”