Vaibhav Sooryavanshi Debut IND vs ENG 2nd T20I : भारतीय क्रिकेटचा ‘वंडर बॉय’ वैभव सूर्यवंशीचा आंतरराष्ट्रीय क्रिकेटमधील पदार्पणाचा रस्ता अखेर मोकळा झाला आहे. बीसीसीआयच्या निवड समितीने त्याला आयर्लंड आणि इंग्लंड दौऱ्यासाठी संघात स्थान दिले होते. मात्र, आयर्लंडविरुद्धच्या दोन्ही सामन्यांत आणि इंग्लंडविरुद्धच्या पहिल्या सामन्यातही त्याला प्लेइंग ११ मध्ये स्थान मिळू शकले नव्हते. परंतु, आता वरिष्ठ सलामीवीर फलंदाज संजू सॅमसनच्या सातत्यहीन कामगिरीमुळे शनिवारी होणाऱ्या इंग्लंडविरुद्धच्या दुसऱ्या टी-२० सामन्यात वैभवचे पदार्पण निश्चित मानले जात आहे.

३ आंतरराष्ट्रीय सामन्यांत संजू सॅमसनच्या फक्त ६ धावा –

गेल्या काही सामन्यांपासून संजू सॅमसन अत्यंत खराब फॉर्ममधून जात असून तो एक-एक धाव काढण्यासाठी तरसताना दिसत आहे. आयर्लंडविरुद्धच्या पहिल्या टी-२० सामन्यात संजूने केवळ ५ धावा केल्या, तर दुसऱ्या सामन्यात तो खातंही न उघडता पहिल्याच चेंडूवर बाद झाला. यानंतर इंग्लंडविरुद्धच्या पहिल्या टी-२० सामन्यातही त्याच्या कामगिरीत सुधारणा झाली नाही; ७ चेंडूंचा सामना करून तो अवघ्या १ धावेवर बाद झाला. सलग तीन सामन्यांमधील या फ्लॉप शोनंतर संजू सॅमसनला प्लेइंग इलेव्हनमधून डच्चू मिळणे आता जवळपास निश्चित झाले आहे.

शनिवारी संजूची गच्छंती, वैभवला लॉटरी; इशान किशन करणार कीपिंग –

Look At The Aura Of Vaibhav Suryavanshi. He Became A Superstar Even Before His India Debut. 🇮🇳

The Hype Around Him In England Is Unreal. The Broadcasters Are Using His Name To Sell Tickets, Yet He Still Hasn’t Got A Chance To Make His Debut.#vaibhavsuryavanshi #INDVSENG pic.twitter.com/eLcHB5KQhD

— Alti_tude 🇮🇳 (@suuuuspeed) July 1, 2026

भारतीय संघ जेव्हा शनिवारी इंग्लंडविरुद्ध दुसऱ्या टी-२० सामन्यासाठी मैदानात उतरेल, तेव्हा संजू सॅमसनच्या जागी वैभव सूर्यवंशीला सलामीला पाठवले जाईल, असे संकेत मिळत आहेत. कीपिंगचा प्रश्न आल्यास संघात इशान किशन हा पर्याय आधीपासूनच उपलब्ध आहे. आयर्लंडविरुद्धच्या दुसऱ्या सामन्यात संजू संघात असूनही इशान किशननेच कीपिंगची धुरा सांभाळली होती.

हेही वाचा – SRK New Stadium : किंग खानचा जागतिक क्रिकेटमध्ये डंका! उभारले स्वतःचे भव्य क्रिकेट स्टेडियम; लॉस एंजिल्स ऑलिम्पिकचे होणार सामने

क्रिकेट वर्तुळातील जाणकारांच्या मते, १५ वर्षांच्या वैभव सूर्यवंशीला केवळ एका सामन्यासाठी संघात घेतले जाणार नाही. जर तो सुरुवातीच्या काही सामन्यांत अपयशी ठरला, तरीही त्याच्यातील अफाट गुणवत्ता पाहता त्याला स्वतःला सिद्ध करण्यासाठी संघ व्यवस्थापनाकडून पुरेशी संधी दिली जाईल.