IND vs AUS 4th Test : – पदार्पणाच्या सामान्यामध्ये ऑस्ट्रेलियाच्या 19 वर्षीय सॅम कॉन्स्टास दमदार फलंदाजी करताना 65 चेंडूत 60 धावांची अर्धशतकी खेळी केली. बॉर्डर-गावस्कर मालिकेच्या पहिल्या लढतीत नॅथन मॅकस्विनीने पदार्पण केले होते. मात्र, भारताचा वेगवान गोलंदाज जसप्रीत बुमराहने त्याला स्थिरावू दिले नाही. त्यामुळे नाईलाजाने त्याला संघातून डच्चू मिळाला व त्याच्या जागी सॅम कॉन्स्टासला संधी मिळाली. त्याने पदार्पणाच्या खेळीत बुमराहविरुद्ध फटकेबाजी केली. कॉन्स्टासने आपल्या खेळीने भारतीय संघाचे माजी प्रशिक्षक व समालोचक रवी शास्त्री यांना भारताचा आघाडीचा फलंदाज वीरेंद्र सेहवागची आठवण करून दिली.

केवळ 19 वर्षांच्या कॉन्स्टासने विशेषतः बुमराहविरुद्ध सुरुवातीपासून आक्रमक धोरण स्वीकारले होते. त्याने 11 व्या षटकांत तब्बल 18 धावा चोपल्या. त्यामुळे ऑस्ट्रेलियाच्या डावातील 11 वे षटक बुमराहच्या कसोटी कारकिर्दीतील सर्वात महागडे षटक ठरले. या षटकात कॉन्स्टासने मारलेल्या रॅम्प शॉटने त्याने भारतीय खेळाडूंना देखील स्तब्ध केले.

स्टार स्पोर्ट्सशी बोलताना शास्त्री म्हणाले – खेळाच्या कोणत्याही प्रकारामध्ये जसप्रीत बुमराहविरुद्ध कोणीही अशी फलंदाजी केली असेल असे मला वाटत नाही. कसोटीत तर विषयच येत नाही. एवढ्या आत्मविश्वासाने मैदानात उतरणे आणि काही जबरदस्त फटके मारण्याचा प्रयत्न करणे, हे नक्कीच काही तरी वेगळेच होते. एमसीजीमध्ये त्याने ज्या पद्धतीने फलंदाजी, ती नक्कीच फलंदाजीचे आयाम बदलणारी होती.

शास्त्री पुढे म्हणाले की, कॉन्स्टास फलंदाजी करत असताना एकेकाळी असे वाटत होते की भारताकडे कोणतीही रणनीती शिल्लक नाही. सुरुवातीला त्याचे पहिले दोन फटके चुकले आणि भारतीय खेळाडूंच्या चेहऱ्यावर हसू उमटले. त्याने संधी निर्माण केली तर आपण त्याला लवकर त्याला बाद करू असे भारतीय गोलंदाजांना वाटले, मात्र त्यानंतर त्याने फटकेबाजी करायला सुरुवात केल्यानंतर सर्वांचे हसू विरले, असे शास्त्री बोलताना म्हणाले.

IND vs AUS 4th Test : कोहलीचा ज्याच्यासोबत झाला होता वाद; त्याच्या नावावर नोंदवला गेला विश्वविक्रम…

कॉन्स्टासची सेहवागशी तुलना….

भारताचा आघाडीचा फलंदाज वीरेंद्र सेहवाग देखील सातत्याने आक्रमक फलंदाजी करत होता. त्यामुळे अनेकदा तो झटपट बाद देखील झाला. मात्र सेहवाग खेळपट्टीवर असताना प्रत्येक गोलंदाज सेहवागपासून वाचण्याचा प्रयत्न करत असे. याबाबत शास्त्री म्हणाले, कॉन्स्टास हा देखील सेहवागसारखाच खेळाडू आहे. तो ज्या पद्धतीने खेळाला, त्याने काही फटके मारण्याच्या संधी निर्माण केल्या आणि झटपट धावा वाढविल्या. सेहवाग देखील असाच होता. तो मैदानात असे पर्यंत चाहते उत्साही असायचे. असाच खेळ कॉन्स्टास ऑस्ट्रेलियासाठी करेल, असा विश्वास देखील शास्त्री यांनी यावेळी व्यक्त केला.