Salman Khan: दिल्लीत जंतरमंतरवर सुरू असलेल्या ‘कॉकरोच जनता पार्टी’च्या आंदोलनाच्या समर्थनार्थ अनेक सेलिब्रिटी, नेतेमंडळी पुढे आले आहेत. अनेकांनी आंदोलकांवर करण्यात आलेल्या पोलीस कारवाईच्या विरोधात आवाज उठवला आहे. या संपूर्ण प्रकरणावर बॉलिवूडचा दबंग भाईजान सलमान खानने देखील ट्वीट करत विद्यार्थ्यांच्या मागणीला पूर्णपणे पाठिंबा दर्शवला आहे. तसेच न्यायासाठी लढणाऱ्या विद्यार्थ्यांचे कौतुक केले आहे.

सलमान खान नेमकं काय म्हणाला?

सलमान खान ट्वीट करत म्हणाला की, “ही एक अत्यंत शांततापूर्ण चळवळ होती, तिला हिंसक वळण लागले याचे खूप दुःख वाटते. ज्या विद्यार्थ्यांना आणि त्यांच्या कुटुंबीयांना दुखापत झाली, त्यांच्याबद्दल मला मनापासून सहानुभूती वाटते. प्रश्नपत्रिका फुटणे (पेपर लीक) ही एक अतिशय गंभीर समस्या आहे.

It was such a peaceful movement, feel so sad that it had to take a violent turn. My heart goes out to the students and their families who were hurt. Paper leak is a very serious issue, and I am glad to know n see that the kids of our country have come together for a better…

— Salman Khan (@BeingSalmanKhan) July 22, 2026

आपल्या देशातील मुले एका चांगल्या शैक्षणिक व्यवस्थेसाठी एकत्र आली आहेत आणि त्यांच्या पालकांनी त्यांना पाठिंबा दिला आहे, हे पाहून मला खूप आनंद होत आहे. त्यांनी घेतलेल्या भूमिकेचे मी मनापासून कौतुक करतो. त्यांनी दाखवलेली निष्ठा, प्रामाणिकपणा आणि कठोर परिश्रम करून स्वतःचे भविष्य घडवण्याची तसेच एक महान आणि सुशिक्षित भारत निर्माण करण्याची त्यांची जिद्द वाखाणण्याजोगी आहे.”

“हे आंदोलन किंवा हा विरोध हीच योग्य पद्धत आहे आणि विद्यार्थ्यांनी ते अत्यंत शांततेने केले आहे. ते खरोखरच धैर्यवान आणि शूर आहेत. शिक्षणाप्रती समर्पित आणि प्रेरित असलेली ही पिढी भारताचा नक्कीच गौरव वाढवेल. हा मुद्दा विद्यार्थी आणि शैक्षणिक व्यवस्था यांच्यातील आहे, याचं राजकारण केलं जाऊ नये.

याचे संपूर्ण श्रेय आपल्या देशातील विद्यार्थ्यांनाच दिलं पाहिजे. मला खात्री आहे की, सरकारही त्यांना पूर्ण पाठिंबा देईल आणि शैक्षणिक व्यवस्था अधिक बळकट करेल. ही सर्वांसाठीच फायदेशीर अशी स्थिती आहे. सकारात्मक निर्णयाची आशा आणि प्रार्थना करतो. शिक्षण घेऊ इच्छिणाऱ्या तुम्हा सर्वांवर ईश्वराची कृपा असो…”

“शिक्षण हीच पुढची ‘ट्रेंड’ आणि ‘फॅशन’ बनली पाहिजे आणि ती दरवर्षी अधिक लोकप्रिय आणि आकर्षक झाली पाहिजे, इतकी की परदेशातून लोक शिक्षणासाठी भारतात येतील आणि भारत एक ‘एज्युकेशनल हब’ (शिक्षणाचे प्रमुख केंद्र) बनेल…”, असं सलमान खान म्हणाला. दरम्यान, सलमानने ही पोस्ट शेअर ती सोशल मीडियावर प्रचंड व्हायरल झाली. अनेकांनी या पोस्टवर कमेंट करत सलमान खानच्या भूमिकेचे कौतुक केले आहे.

हेही वाचा: 

PMC Negligence: पुणेकरांनो पुन्हा पुराचा धोका? महापालिकेच्या भयंकर निष्काळजीपणाचा धक्कादायक खुलासा