Salman Khan-Lawrence Bishnoi – राष्ट्रवादी काँग्रेसचा नेते बाबा सिद्दिकी यांच्या हत्येनंतर बॉलीवूड अभिनेता सलमान खान याची सुरक्षा वाढवली आहे. सलमान खानचे वडील सलीम खान यांनी सलमान खान माफी मागणार नसल्याचे म्हटले आहे. सलमान खानने शिकारच केली नाही. त्याने कधी साधा कॉकरोच मारला नाही. त्यामुळे माफी मागणार नसल्याचे त्यांनी स्पष्ट केले आहे.

सलमान खानचे वडील सलीम खान यांच्या या वक्तव्यानंतर बिश्नाई समाज संतापला आहे. सलमान खानच नाही तर त्याचे संपूर्ण कुटुंब खोटारडे आहे, असा आरोप त्यांनी केला आहे. बिश्नोई महासभेचे राष्ट्रीय अध्यक्ष देवेंद्र बुढिया यांनी म्हटले आहे की, सलमान खानच्या परिवाराकडून बिश्नोई समाजाबाबत दुसरा गुन्हा करण्यात आला आहे.

सलमान खान याचे वडील सलीम खान यांच्यानुसार, पोलीस, वन विभाग, साक्षीदार सर्व काही खोटे आहे. पोलिसांनी कळविटचे अवशेष जप्त केले आहे. बंदूक जप्त केली आहे. सलमान खान याला शिक्षाही झाली आहे. कोर्टाने सर्व पुरावे पाहून सलमान खानला शिक्षा दिली आहे. खरेतर सलमान खान आणि त्याचा संपूर्ण परिवार खोटारडा आहे.

सलमान खान धमकी प्रकरण हा खंडणीचा विषय असल्याचे सलीम खान यांनी म्हटले होते, त्यावर बोलताना बिश्नोई महासभेचे राष्ट्रीय अध्यक्ष देवेंद्र बुढिया यांनी म्हटले की, आमच्या समाजाला त्याचा पैसा नकोय. परंतु सलीम खान यांच्या वक्तव्यामुळे संपूर्ण समाज दुखावला गेला आहे.

बिश्नोई समाजाबाबत सलमान खानच्या परिवाराने केलेला हा दुसरा गुन्हा आहे. बिश्नाई समाज 550 वर्षांपासून पर्यावरणासाठी कामे करत आहे. अनेक प्राणी या समाजाने वाचले आहे. वनसंपदा वाचवली आहे.

सलीम खान यांनी म्हटले होते की, बिश्नोई समाज सलमानने माफी मागावी, अशी मागणी करत आहे. परंतु सलमान खानने शिकारच केली नाही तर तो माफी का मागेल? त्याने माफी मागितली तर त्याचा अर्थ होईल, त्याने गुन्हा केला आहे, असे सलीन खान यांनी म्हटले आहे.