Salman Khan । Sikandar box office collection : अभिनेता सलमान खानच्या सिकंदर चित्रपटाचा ट्रेलर प्रदर्शित झाल्यापासूनच त्याची प्रचंड चर्चा होती. बऱ्याच प्रतीक्षेनंतर, रविवार, ३० मार्च रोजी सिकंदर चित्रपटगृहात प्रदर्शित झाला आहे. सलमानच्या चित्रपटाला ईदच्या फक्त एक दिवस आधी प्रदर्शित होण्याचा फायदा मिळायला हवा होता, पण या चित्रपटाच्या बाबतीत असे घडलेले दिसत नाही. सलमान खान हा एकमेव अभिनेता आहे ज्याच्या चित्रपटाचा पहिला शो नेहमीच हाऊसफुल्ल असतो. मग चित्रपटाची कथा चांगली असो वा नसो. सिकंदर अॅडव्हान्स बुकिंगमध्ये चांगला कलेक्शन करत होता, पण ओपनिंग फारशी चांगली झाली नाही. दोन दिवसांत सिकंदरच्या बॅगेत किती कोटी जमा झाले याची आकडेवारी आता समोर आली आहे. बॉक्स ऑफिस कलेक्शन : सलमान खानने सिकंदरमध्ये दमदार संवाद आणि अॅक्शन अवतार देण्यात कोणतीही कसर सोडली नाही. पण प्रेक्षकांना त्याच्या अभिनयात पूर्वीसारखी चमक दिसली नाही. संवादांपासून ते अॅक्शनपर्यंत, प्रेक्षकांना चित्रपट फारसा आवडला नाही. बरं, सलमानने ट्रेलर लाँच इव्हेंटमध्ये आधीच सांगितले आहे की त्याच्या चित्रपटाने २०० कोटी रुपये कमवणे ही मोठी गोष्ट नाही. सलमान खानच्या चित्रपटाने पहिल्या दिवशी ३०.०६ कोटी रुपये कमावले आहेत. सोमवारच्या कसोटीत सिकंदरने निश्चितच काहीशी गती मिळवली आहे. ईदच्या सुट्टीचा फायदा चित्रपटाला झाला आहे. सुरुवातीच्या अंदाजानुसार चित्रपटाने दुसऱ्या दिवशी २९ कोटी रुपये कमावले आहेत. या चित्रपटाने भारतात एकूण ५५ कोटी रुपये कमावले आहेत. भाईजानच्या चित्रपटाने २ दिवसांत ५० कोटींचा टप्पा ओलांडला आहे. सिनेमाची कहाणी काय आहे? बॉलिवूड अभिनेता सलमान खान ‘सिकंदर’मध्ये राजकोटच्या राजा संजयच्या भूमिकेत दिसला होता. चित्रपटाची सुरुवात तो एका राजकारण्याचा मुलगा अर्जुन (प्रतीक बब्बर) याला विमानात मारहाण करतो कारण त्याने एका महिलेशी गैरवर्तन करण्याचा प्रयत्न केला होता. यानंतर मंत्र्यांचे गुंड संजयचा पाठलाग करू लागतात. या भांडणामुळेच सिकंदर त्याची पत्नी साईंश्री गमावतो. रश्मिकाने तिच्या मृत्यूपूर्वी तिचे अवयव दान करण्याचा निर्णय घेतला होता. तिच्या या निर्णयामुळे तीन जीव वाचले. चित्रपटाच्या कथेत एक मोठा ट्विस्ट येतो जेव्हा सलमान त्या तिघांना वाचवण्यासाठी आणि त्याच्या पत्नीच्या मृत्यूचा बदला घेण्यासाठी राजकोटहून मुंबईला पोहोचतो. यानंतर मंत्री आणि त्याचे गुंड त्या तिघांना मारू लागतात. चित्रपट पाहिल्यानंतर तुम्हाला पुढची कहाणी कळेल.
