Salman Khan House Firing । मुंबईतील वांद्रे येथील अभिनेत्याच्या निवासस्थानाबाहेर दोन अज्ञातांनी गोळीबार केल्याची घटना घडलीय. त्यानंतर महाराष्ट्राचे मुख्यमंत्री एकनाथ शिंदे यांनी सलमान खानशी दूरध्वनीवरून चर्चा केली.
सलमान खानची सुरक्षा वाढवण्याची सूचना Salman Khan House Firing ।
मुख्यमंत्री एकनाथ शिंदे यांनी मुंबई पोलीस आयुक्तांशी चर्चा करून सलमान खानची सुरक्षा वाढवण्याची सूचना केली. सध्या सलमान खानच्या घराबाहेर मोठा पोलीस फौजफाटा आणि फॉरेन्सिक टीम हजर असून तपास सुरू आहे. सलमान खानच्या घराबाहेर झालेल्या गोळीबारावरून विरोधकांनी राज्यातील एकनाथ शिंदे सरकारला धारेवर धरलंय.
गोळीबारावर खासदार संजय राऊत ते प्रियंका चतुवेदी आणि काँग्रेसच्या वर्षा गायकवाड यांनी मुख्यमंत्री शिंदे यांच्यावर जोरदार निशाणा साधलाय. विरोधकांनी कायदा आणि सुव्यवस्थेवर प्रश्नचिन्ह उपस्थित केलेत.
बिश्नोई टोळीकडून धमक्या Salman Khan House Firing ।
५८ वर्षीय सलमान खान संयुक्त कुटुंबासोबत राहतो. यामध्ये त्याचे आई-वडील, भाऊ आणि नातेवाईकांचा समावेश आहे. उत्तर-पश्चिम मुंबईच्या उपनगरातील नयनरम्य वांद्रे बीच परिसरातील ऐतिहासिक गॅलेक्सी अपार्टमेंटमध्ये तो राहतो. राजस्थानमध्ये 1998 मध्ये काळवीट शिकारीच्या घटनेनंतर, सलीम खान आणि सलमान खान यांना अनेक वर्षांपासून लॉरेन्स बिश्नोई टोळीकडून जीवे मारण्याच्या धमक्या येत होत्या.
2022 मध्ये, सलीम खानला त्याच्या घराजवळ मॉर्निंग वॉक करताना एक चिठ्ठी सापडली ज्यावर लिहिले होते, “सलीम खान, सलमान खान, लवकरच तू मूसेवाला सारखा होशील.” पंजाबी रॅपर सिद्धू मूसेवाला यांची २९ मे २०२२ रोजी त्यांच्या घराजवळ गोळ्या झाडून हत्या करण्यात आली होती. सलमान खानला मिळालेल्या धमक्यांनंतर पोलिसांनी त्याच्या सुरक्षेत वाढ केलीय. त्याला बंदूक परवान्यासाठी परवाना देण्यात आला आहे. गेल्या वर्षी, अभिनेत्याने अतिरिक्त सुरक्षा म्हणून नवीन बुलेट-प्रूफ एसयूव्ही खरेदी केली.
हेही वाचा
ब्रेकिंग ! अभिनेता सलमान खानच्या घराबाहेर गोळीबार; सुरक्षेत मोठी वाढ