Sainyam ISSF Silver : भारताने आयएसएसएफ विश्वचषकात उघडलं पदकाच खातं! स्टार नेमबाज संयमने पटकावलं रौप्य पदक
Sainyam ISSF Silver : २४ जुलै रोजी झालेल्या महिलांच्या १० मीटर एअर पिस्तूल प्रकारात सयमने रौप्य पदक जिंकून भारताच्या पदकांचे खाते उघडले.
Sainyam Wins Silver Medal Sainyam ISSF SilverWorld Cup 10m Air Pistol India : भारताची स्टार नेमबाज आणि माजी ज्युनियर वर्ल्ड चॅम्पियन संयमने (Sainyam) आयएसएसएफ (ISSF) (रायफल/पिस्तूल/शॉटगन) विश्वचषक स्पर्धेत ऐतिहासिक कामगिरी केली आहे. शुक्रवार, २४ जुलै रोजी झालेल्या महिलांच्या १० मीटर एअर पिस्तूल प्रकारात तिने रौप्य पदक (Silver Medal) जिंकून भारताच्या पदकांचे खाते उघडले.
संयमने अत्यंत अटीतटीच्या अंतिम फेरीत २४३.४ गुणांची अचूक कमाई करत हे पदक आपल्या नावावर केले. तिच्याकडे सुवर्णपदक जिंकण्याची संधी होती. मात्र, अवघ्या ०.२ पॉइंटने मागे राहिली. तिच्या कारकिर्दीतील हे दुसरे आयएसएसएफ विश्वचषक पदक ठरले आहे.
क्वालिफिकेशन फेरीत ५७९ गुणांचा घेतला वेध!
Indian shooter Sainyam Vij wins the silver medal in the women’s 10m air pistol final in the ISSF World Cup in Hangzhou, China. China’s Qianyun Yao won the gold medal. @IExpressSports pic.twitter.com/520uWkzA97
— Nitin Sharma (@Nitinsharma631) July 24, 2026
माजी आशियाई चॅम्पियन असलेल्या संयमने क्वालिफिकेशन राउंडमध्ये ५७९ गुणांचा शानदार स्कोअर करत अंतिम फेरी गाठली होती. अंतिम फायरिंग लाईनवर उतरण्यापूर्वी तिने आपल्या अचूकतेत कमालीचे सातत्य राखले, ज्यामुळे भारताला स्पर्धेत पहिले यश मिळाले. या विश्वचषक स्पर्धेत भारताचे ३६ सदस्यीय बलाढ्य पथक रायफल, पिस्तूल आणि शॉटगनच्या वैयक्तिक व मिश्र सांघिक प्रकारांमध्ये पदकांसाठी आव्हान सादर करत आहे.
🚨 Maiden ISSF World Cup medal for Sainyam.
She clinched silver 🥈 in the women’s 10m air pistol, opening India’s medal account at the Hangzhou World Cup.
She shot 243.4 in the final, finishing just 0.2 points behind China’s World No. 1 Qianxun Yao.
Suruchi ended seventh with… pic.twitter.com/8wsjd09FkI
— RevSportz Global (@RevSportzGlobal) July 24, 2026
मनू भाकर आणि स्वप्निल कुसळेसारख्या दिग्गजांवर नजर –
संयमच्या या यशानंतर आता भारताच्या इतर ऑलिम्पिक आणि स्टार नेमबाजांकडून पदकांच्या अपेक्षा वाढल्या आहेत. यामध्ये मनू भाकर, स्वप्निल कुसळे, ऐश्वर्य प्रताप सिंह तोमर, ईशा सिंह, इलावेनिल वलारिवन, सिफ्ट कौर समरा, रुद्रांक्ष पाटील, अनिश भानवाला, गनेमत सेखॉं आणि ऑलिम्पियन अनंत जीत सिंह नरुका यांसारखे दिग्गज मैदानात उतरणार आहेत.
महिलांच्या २५ मीटर पिस्तूल संघात मनू भाकर, ईशा सिंह आणि अनुभवी राही सरनोबत भारताचे प्रतिनिधित्व करतील. तर शॉटगन आणि स्कीट प्रकारातही उदयवीर सिंह, राजेश्वरी कुमारी आणि दर्शना राठोड यांच्याकडून पदकांची आशा आहे. भारत १० मीटर एअर रायफल आणि पिस्तूलच्या मिश्र प्रकारातही प्रबळ दावेदार मानला जात आहे.
