“भारत एक क्रूर शत्रू, मी तो हल्ला…” ; पहलगाम हल्ल्याचा मास्टरमाइंड कसुरीचा पहिला व्हिडिओ समोर ; पहा आणखी काय म्हणाला?
Saifullah Kasuri VIDEO । पहलगाम दहशतवादी हल्ल्यानंतर भारताने पाकिस्तानविरुद्ध अनेक कठोर पावले उचलली आहेत. त्याचा परिणाम आता दिसून येत आहे. जम्मू आणि काश्मीरमधील पहलगाम याठिकाणी झालेल्या दहशतवादी हल्ल्यात २६ जणांना आपला जीव गमवावा लागला. यामागे लष्कर-ए-तैयबाचा उपकमांडर सैफुल्लाह कसुरी असल्याचे सांगितले जात आहे. दरम्यान, आता भारताच्या कारवाईनंतर, कसुरीचा एक व्हिडिओ समोर आला आहे. यामध्ये त्याने भारतावर गंभीर आरोप केले आहेत. तसेच स्वतः हल्ल्याचा निषेध केला आहे आणि त्यासाठी आपण जबाबदार नसल्याचे म्हटले आहे.
पहलगाम हल्ल्यानंतर काल रात्री झालेल्या सीसीएस बैठकीत भारताने पाच मोठे निर्णय घेतले. यामध्ये सिंधू पाणी करार थांबवण्यासह अनेक कठोर पावले उचलण्यात आली. यानंतर, लष्कर-ए-तैयबाचा उपकमांडर सैफुल्लाह कसुरी याने एक निवेदन आणि एक व्हिडिओ जारी केला आहे. पहलगाममधील दहशतवादी हल्ल्याशी आपला काहीही संबंध नसल्याचे त्याने सांगितले. तसेच हा हल्ला देखील भारतानेच घडवून आणल्याचे सांगत हे भारताचे षड्यंत्र आहे” असा गंभीर आरोप केला आहे.
कसुरीने भारताला युद्धखोर शत्रू म्हटले – Saifullah Kasuri VIDEO ।
कसुरीने जारी केलेल्या व्हिडिओमध्ये, “जम्मू आणि काश्मीरमधील पहलगाममध्ये झालेल्या दहशतवादी हल्ल्याचा आम्ही निषेध करतो. या हल्ल्याच्या बहाण्याने भारतीय माध्यमांनी मला जबाबदार धरले आहे. पाकिस्तानवरही आरोप करण्यात आले आहेत. ही दुःखद गोष्ट आहे. भारत पाकिस्तानला नष्ट करू इच्छितो. तो एक क्रूर शत्रू आहे. त्याने काश्मीरमध्ये १० लाखांचे सैन्य पाठवून युद्धाचे वातावरण निर्माण केले आहे.”असे म्हटले आहे.
Lashkar-e-Taiba (LeT) deputy chief Saifullah Kasuri says these men arent theirs..
Denies role in #PahalgamTerrorAttack pic.twitter.com/kb3hZzHAHW
— Nabila Jamal (@nabilajamal_) April 24, 2025
भारतावर कट रचल्याचा आरोप केला -Saifullah Kasuri VIDEO ।
व्हिडिओमध्ये कसुरी पुढे बोलताना,”पहलगाममध्ये भारतानेच हल्ला केला आहे आणि तो त्यासाठी जबाबदार आहे. हे भारताचेच षडयंत्र आहे. पाकिस्तानचा याच्याशी काहीही संबंध नाही. असे म्हणत त्याच्यावर करण्यात आलेले सर्व आरोप फेटाळून लावले आहेत.
सिंधू पाणी करारामुळे घाबरला
सैफुल्लाह कसुरी पुढे म्हणाला ‘भारताने सिंधू पाणी करार स्थगित केला आहे. त्याला पाकिस्तानचे पाणी थांबवायचे आहे. पाकिस्तानला नष्ट करायचे आहे. , भारताने जम्मू-काश्मीरमध्ये १० लाखांहून अधिक सैन्य पाठवले आहे आणि आता ते पाकिस्तानची शांतता देखील बिघडू इच्छित आहे.”
खालिदने जगासमोर विनवणी केली
सैफुल्ला कसुरीने आपल्या निवेदनात जगाला भारताच्या रोषापासून वाचवण्याचे आवाहनही केले. ते म्हणाले, ‘आम्ही जगाला आवाहन करतो की डोळे बंद करून भारताला पाठिंबा देण्याऐवजी सत्याचे समर्थन करावे. यावेळी त्यांनी पहलगाम हल्ल्याला भारताचे षड्यंत्र असल्याचे वर्णन केले आणि म्हटले की त्याचा पाकिस्तानशी किंवा पाकिस्तानच्या कोणत्याही नागरिकाशी काहीही संबंध नाही.
पहलगाम हल्ल्यानंतर भारताची पाकिस्तानविरुद्ध कडक कारवाई
बुधवारी संध्याकाळी भारताने पाकिस्तानविरुद्ध पाच मोठे निर्णय घेतले. पंतप्रधान नरेंद्र मोदी यांनी सीसीएस बैठकीत भाग घेतला. यानंतर अटारी सीमा बंद करण्याचा निर्णय घेण्यात आला. यासोबतच भारताने सिंधू पाणी करारावरही स्थगिती आणली आहे.
