Saif Ali Khan | अभिनेता सैफ अली खान याच्यावर त्याच्या राहत्या घरी चाकूने हल्ला झाला. आरोपीने अभिनेत्यावर सहा वेळा हल्ला केला होता. तेव्हापासून सैफ मुंबईच्या लीलावती रुग्णालयात दाखल आहे. त्याच्यावर मागील पाच दिवसांपासून लीलावती रुग्णालयात उपचार सुरू होते. अखेर आज त्याला रुग्णालयातून डिस्चार्ज देण्यात आला आहे.

सैफ अली खानची पत्नी आणि अभिनेत्री करीना कपूर आणि मुलगी सारा अली खान त्याला रुग्णालयातून घरी आणण्यासाठी आल्या होत्या. सैफ सहा दिवसांनंतर त्याच्या घरी परतला आहे. डॉक्टरांनी अभिनेत्याला फक्त विश्रांती घेण्याचा सल्ला दिला आहे.

सैफला रुग्णालयातून डिस्चार्ज मिळाल्यानंतर चाहत्यांनी सुटकेचा नि:श्वास सोडला. रुग्णालयातून घरी जातानाचा अभिनेत्याचा व्हिडिओ देखील सोशल मीडियावर व्हायरल झाला आहे. यावेळी सैफने पांढरा शर्ट आणि निळ्या रंगाची डॅनीम परिधान केली होती.

#WATCH | Actor #SaifAliKhan reached his residence after he was discharged from Lilavati Hospital in Mumbai.

Saif Ali Khan was admitted there after being stabbed by an intruder at his residence, in the early morning of January 16. pic.twitter.com/QKIfGH1xqq

— ANI (@ANI) January 21, 2025

रुग्णालयातून डिस्चार्ज झाल्यानंतर सैफ अली खान सतगुरु शरणमधील घरी न जाता ‘फॉर्चून हाइट्स’मध्ये जाणार आहे. सतगुरु शरणच्या अपार्टमेंटमध्ये सैफवर हल्ला झाला होता. घडलेल्या घटनेनंतर सैफ अली खानच्या घराची सुरक्षा वाढवण्यात आली आहे. सैफच्या घरात अनेक सीसीटीव्ही लावण्यात आले आहेत. तसंच सुरक्षेसदर्भात अनेक काम केले जात आहेत.

सैफ अली खानला डॉक्टरांनी एक महिना पूर्ण आराम करण्याचा सल्ला दिला आहे. डॉक्टरांनी सांगितलं की, ‘सैफ चालू शकतो. परंतु त्याला पुर्ण बरं होण्यासाठी एक महिन्याचा कालावधी लागेल.

तसंच सैफच्या पाठीमध्ये घुसलेल्या चाकूमुळे जखम खोलवर गेली आहे. ती जखम भरण्यासाठी तब्बल एक महिन्याचा कालावधी लागेल. त्यामुळे सैफ काही दिवस वजन सुद्धा उचलू शकणार नाही, तसंच त्याला जीम, शुटिंग सुद्धा करता येणार नाही. त्याला पुर्णपणे बेड रेस्ट करण्याचा सल्ला डॉक्टरांनी दिला आहे.