Newasa News : प्रसिद्ध तीर्थक्षेत्र श्रीक्षेत्र शनिशिंगणापूर येथे नुकतीच राजकीय वर्तुळातील बड्या नेत्यांची विशेष उपस्थिती (Newasa News) पाहायला मिळाली. विधानपरिषदेचे उपसभापती सचिन अहिर आणि नेवासा विधानसभा मतदारसंघाचे आमदार विठ्ठलराव लंघे – पाटील यांनी अचानक शनिशिंगणापूर येथे पोहोचून श्री शनैश्वर महाराजांचे मनोभावे दर्शन घेतले. या दौऱ्यामुळे राजकीय आणि सामाजिक वर्तुळात सर्वांच्याच नजरा या भेटीकडे लागल्या होत्या.

मंदिरात उपस्थित राहून दोन्ही प्रमुख नेत्यांनी पारंपरिक पद्धतीने श्री शनैश्वर महाराजांना (Newasa News) तेलाभिषेक केला आणि चरणी नतमस्तक झाले. दर्शन घेतल्यानंतर त्यांनी संपूर्ण राज्यातील जनतेच्या सुख-समृद्धी, सर्वांगीण कल्याणासाठी तसेच सर्वांच्या आयुष्यात सुख-शांती नांदावी, याकरिता मनोभावे साकडे घातले.

या महत्त्वपूर्ण दर्शनादरम्यान शिवसेना-भाजप महायुतीचे स्थानिक व जिल्हा पातळीवरील प्रमुख नेते आणि पदाधिकारी मोठ्या संख्येने एकत्र आले होते. यामध्ये प्रामुख्याने नगराध्यक्ष करणसिंह घुले, जिल्हाप्रमुख नितीन औताडे, भाजप जिल्हा उपाध्यक्ष सचिन भाऊ देसरडा, शिवसेना नेते हरिभाऊ शेळके, राजू शेटे, नगरसेवक गटनेते महेश लोखंडे, नगरसेवक संदीप सरकाळे, नगरसेवक प्रवीण सरोदे, सरपंच भरत बेल्हेकर, संदीप दादा बानकर यांच्यासह महायुतीचे वरिष्ठ पदाधिकारी, कार्यकर्ते आणि भाविक मोठ्या संख्येने (Newasa News) उपस्थित होते.