S. Jaishankar : निर्बंध आणि चोकपॉइंटसमुळे जागतिक ऊर्जा पुरवठा साखळी विस्कळीत झाल्याबद्दल परराष्ट्र मंत्री एस. जयशंकर (S. Jaishankar) यांनी तीव्र शब्दात नाराजी व्यक्त केली आहे. ऊर्जा व्यापार आणि पायाभूत सुविधांवर जाणीवपूर्वक करण्यात आलेले हल्ले हे उत्पादनांच्या किंमती चढ्या राखण्यासाठीच करण्यात आले होते, अशी थेट टीका शुक्रवारी अटलांटा येथे जी-२० सदस्य देशांच्या परराष्ट्र मंत्र्यांच्या बैठकीत बोलताना जयशंकर यांनी केली.

इराणच्या तेलाच्या विक्रीवर अमेरिकेने घातलेले निर्बंध, पश्‍चिम आशियातून तेलाचा पुरवठा विस्कळीत होणे आणि इराणच्या डीझेल विक्रीवरील निर्बंध अमेरिकेने उठवण्याच्या पार्श्‍वभुमीवर त्यांनी (S. Jaishankar) ही टीका केली. जगभरातील ऊर्जाविषयक आपत्ती ही उत्पादनामुळे नव्हे, तर अनिस्चितता आणि विस्कळीतपणा, न परवडणाऱ्या किंमती आणि ऊर्जा उत्पादने मिळवण्यामधील आव्हानांमुळे निर्माण झाली आहे, असे जयशंकर म्हणाले.

ऊर्जेचा व्यापार आणि पायाभूत सुविधांवरील हल्ले हे ऊर्जेच्या किंमती चढ्या ठेवण्यासाठीच केले गेले होते. ऊर्जाविषयक बाजार खुला आणि निश्‍चित अंदाज करता येण्याजोरा राखण्यासाठी समज आणि नेतृत्व दोन्ही जी-२० ने दर्शवले पाहिजेत, असे त्यांनी सांगितले.

अडथळे, निर्बंध आणि चेकपॉइंटस ऊर्जा पुरवठा साखळी विस्कळीत होत असून यामुळे वाढती गुंतागूंत, आणि व्यापक परिणाम सातत्याने होत असून कमी उत्पन्न असलेल्या देशांचा फारच थोडा विचार केला जात असल्याचे जयशंकर यांनी जोर देऊन सांगितले.

जागतिकीकरण झालेल्या बाजारपेठेतील साखळी परिणाम आणि परस्पर अवलंबित्व यांना कमी लेखू नये. भारताला स्वच्छ स्वयंपाकाच्या गरजांसाठी विश्वसनीय आणि नियमित एलपीजी पुरवठ्याची आवश्यकता आहे. भारताच्या महत्त्वपूर्ण खनिजांवरील राष्ट्रीय अभियानामध्ये तपासून ते पुनर्वापर करणापर्यंतच्या बाबींचा समावेश आहे.

भारताने जी२० महत्त्वपूर्ण खनिजांच्या फेरवापराच्या उपक्रमाचा प्रस्ताव दिला असल्याचेही त्यांनी सांगितले. जी-२० ने वित्तपुरवठ्याची उपलब्धता वाढवली पाहिजे आणि साठवणूक, छोटे मॉड्युलर अणुभट्टी, हरित हायड्रोजन आणि जैवइंधन यांना चालना दिली पाहिजे, याचीही त्यांनी (S. Jaishankar) अपेक्षा व्यक्त केली.