Russia-Ukrane War । रशिया-युक्रेन युद्ध थांबवण्यासाठी अमेरिकेचे राष्ट्राध्यक्ष डोनाल्ड ट्रम्प सतत झेलेन्स्की आणि पुतिन यांच्याशी चर्चा करत आहेत. परंतु पुतिन यांनी युद्धबंदीसाठी घातलेल्या अटींवर अजूनही सहमती झालेली नाही. त्यातच डोनाल्ड ट्रम्प यांचे दूत स्टीव्ह विटकॉफ यांनी राष्ट्राध्यक्ष पुतिन यांच्याशी बैठक घेतली. यांच पार्श्वभूमीवर, ट्रम्प यांनी,”जर ते त्यावेळी राष्ट्राध्यक्ष असते तर हे युद्ध कधीच सुरू झाले नसते” असे म्हणत अगोदरच्या राष्ट्रध्यक्षांवर निशाणा साधला.

राष्ट्राध्यक्ष डोनाल्ड ट्रम्प यांनी सोशल मीडियावर,’रशियाने पुढे आले पाहिजे. अनेक लोक मरत आहेत. कधीही घडायला नको असलेल्या एका भयानक आणि निरर्थक युद्धात दर आठवड्याला हजारो लोक आपले प्राण गमावत आहेत. जर मी राष्ट्रपती असतो तर हे कधीच घडले नसते.” असे म्हटले आहे.

ट्रम्पचे दूत विटकॉफ आणि पुतिन यांच्यात बैठक

ट्रम्प यांचे हे विधान अशा वेळी आले आहे जेव्हा त्यांचे दूत स्टीव्ह विटकॉफ मॉस्कोच्या दौऱ्यावर आहेत. युद्ध रोखण्यासाठी पुतिन यांच्याशी चर्चा करण्यासाठी ते आले आहेत. एका इंग्रजी वृत्तवाहिनीनुसार, पुतिन आणि स्टीव्ह विटकॉफ यांची भेट सेंट पीटर्सबर्ग याठिकणी झाली.  मात्र, या बैठकीच्या निकालाबाबत रशिया किंवा अमेरिकेकडून कोणतेही विधान जारी केलेले नाही. ट्रम्प सत्तेत आल्यानंतर विटकॉफचा हा तिसरा रशिया दौरा आहे.

रशियाच्या  युद्धबंदीसाठी अटी  Russia-Ukrane War ।

एका संकेतस्थळाने दिलेल्या माहितीनुसार, ‘रशियाने शांतता आणि युद्धविराम हवा असल्याचे म्हटले आहे, परंतु तडजोड किंवा सवलतीचे कोणतेही संकेत दिलेले नाहीत. तो फक्त अटी घालत आहे. विटकॉफचे मॉस्कोला वारंवार होणारे दौरे हे शांतता चर्चेत प्रगती नसल्यामुळे ट्रम्प प्रशासनाच्या वाढत्या निराशेचे लक्षण आहे.

युक्रेनने अमेरिकेचा प्रस्ताव स्वीकारला होता

११ मार्च रोजी सौदी अरेबियातील जेद्दाह येथे अमेरिका आणि युक्रेनियन अधिकाऱ्यांमध्ये चर्चा झाली, ज्यामध्ये युक्रेनियन प्रतिनिधींनी अमेरिकेचा ३० दिवसांच्या युद्धबंदीचा प्रस्ताव स्वीकारला. तथापि, पुतिन यांनी युद्धबंदीसाठी काही अटी घातल्या होत्या.

पुतिन यांनी कोणती अट घातली? Russia-Ukrane War ।

पुतिन म्हणाले की, शत्रुत्व संपवण्याच्या प्रस्तावांशी आम्ही सहमत आहोत. ते म्हणाले की आम्ही दीर्घकालीन शांततेच्या बाजूने आहोत. युद्धविराम कायमस्वरूपी शांतता आणेल. युद्धाच्या निराकरणावर लक्ष केंद्रित केल्याबद्दल पुतिन यांनी ट्रम्प यांचे आभार मानले. ते म्हणाले की युद्धाची खरी कारणे शोधण्याची गरज आहे. त्यानंतर ट्रम्प आणि पुतिन यांनी फोनवरही चर्चा केली, परंतु आतापर्यंत युद्धबंदीवर कोणताही करार झालेला नाही.