मॉस्को – रशिया आणि युक्रेनमधे सुरू असलेल्या संघर्षामुळे दोन्ही देशांमधल्या अनेक भागात वीजपुरवठा खंडित झाला आहे. युक्रेनने केलेल्या हल्ल्यामुळे रशियातील बेल्गरोद प्रदेशात वीजपुरवठा खंडित झाला, याचा फटका जवळपास ४० हजार नागरिकांना बसला आहे. अनेक रुग्णालयांमध्ये जनरेटर लावावे लागले, असंख्य लोक जखमी झाले. दुसरीकडे रशियाने केलेल्या हल्ल्यात युक्रेनमधल्या पाच नागरिकांचा मृत्यू झाला. तर रशियातील क्रास्नोयार्स्क आणि स्टॅव्ह्रोपोल प्रदेशातील ज्यू धार्मिक स्थळांवर होणारे दहशतवादी हल्ले रशियन फेडरल सिक्युरिटी सर्व्हिसने रोखले आहेत. फेडरल सिक्युरिटी सर्व्हिसच्या म्हणण्यानुसार, दोन व्यक्तींना ताब्यात घेण्यात आले ते एका सुधारित स्फोटकाचा स्फोट घडवण्याच्या तयारीत होते. ज्यू धार्मिक समुदायाच्या इमारतीला आग लावण्याच्या योजनेबद्दल एका रशियन नागरिकालाही ताब्यात घेण्यात आले. पॅलेस्टिनी-इस्रायली संघर्षामुळे प्रभावित झालेल्या पॅलेस्टिनी नागरिकांच्या हिताचे रक्षण करण्याच्या बहाण्याने हे हल्ले नियोजित करण्यात आले होते.
