वॅाशिग्टंनः गेल्या तीन वर्षांपासून रशिया आणि युक्रेनमध्ये युद्ध संघर्ष होत आहे. आत्तापर्यंत या दोन देशांच्या युद्धात अनेकांचे बळी गेले आहेत. आता या युद्धावर पूर्णविराम लागणार तरी कधी असे बोलले जात आहे. अशातच एक समाधानकारक बातमी समोर आली आहे. अमेरिकेचे नवनियुक्त राष्ट्रध्यक्ष डोनाल्ड ट्रम्प आणि व्लादिमीर पुतिन यांच्यात फोनद्वारे रशिया आणि युक्रेनमधील युद्ध संपण्याविषयी बोलणे झाले आहे. या चर्चेदरम्यान युक्रेनमध्ये सुरू असलेले युद्ध संपवण्यासाठी चर्चा सुरू करण्यावर सहमती झाल्याचे ट्रम्प यांनी सांगितले. ट्रम्प यांनी एका सोशल मीडिया पोस्टमध्ये म्हटले आहे की पुतिन यांच्याशी त्यांचा “दीर्घ आणि अतिशय फलदायी फोन कॉल” झाला. दोघांनीही निर्णय घेतला की त्यांचे कार्यसंघ त्वरित वाटाघाटी सुरू करतील. तीन वर्षांचे युद्ध संपुष्टात आणण्यासाठी दोन्ही नेत्यांमधील हा संवाद महत्त्वाचा असल्याचे बोलले जात आहे. या चर्चेदरम्यान ट्रम्प आणि पुतिन यांनी एकमेकांच्या देशांना भेट देण्याचे मान्य केले आहे. ट्रथटूल या सोशल मीडिया प्लॅटफॉर्मवर ट्रम्प यांनी ‘आम्ही दोघांनी सहमती दर्शविल्याप्रमाणे आम्हाला रशिया-युक्रेन युद्धात लाखो मृत्यू थांबवायचे आहेत. असा उल्लेख या पोस्टमध्ये केला आहे. झेलेन्स्की यांच्याविषयी चर्चा अमेरिकेच्या वाटाघाटी करणाऱ्या टीममध्ये परराष्ट्र सचिव मार्को रुबिओ, सीआयएचे संचालक जॉन रॅटक्लिफ, राष्ट्रीय सुरक्षा सल्लागार मायकेल वॉल्ट्ज आणि राजदूत आणि विशेष दूत स्टीव्ह विटकॉफ यांचा समावेश असेल. युक्रेनची रशियाशी चर्चा करण्याची 3 वर्षातील ही पहिलीच वेळ असून या चर्चेला युक्रेनचा एकही प्रतिनिधी उपस्थित नव्हता. यामुळे ट्रम्प आणि पुतीन यांच्यात युक्रेनेचे अध्यक्ष झेलेन्स्की यांच्याशीही बोलण्याबाबत सकारात्मक चर्चा झाली आहे. युद्ध थांबणार का? युक्रेन हा देश रशियाचाच एक भाग असल्याचे मुख्य कारण या युद्धाला आहे. इतरही अनेक कारणांमुळे रशिया आणि युक्रेन देशात ३ वर्षांपासून युद्ध सुरू आहे. आत्तापर्यंत या युद्धात अनेकांनी आपले प्राण गमावलेले आहेत. रशियाने युक्रेनच्या हद्दीत अनेक हवाई हल्ले केले आहेत. युक्रेन रशियाचाच एक अविभाज्य घटक असल्याचे रशियाचे म्हणणे आहे, यामुळे आता हे युद्ध थांबणार का असा प्रश्न विचारला जात आहे.
